域 流亦詩
域 流亦詩
域 流亦詩

道歉不是乞求得來的

2015/12/30 14:42:21 網誌分類: 時事
30 Dec

架仔被迫扮矮仔

邊作賠償邊拜鬼

寶島頂爺呷錯醋

高麗一姐遇鬼迷

 

架仔大佬安屁晉三忽然主動就獸兵在二戰期間迫良為娼嘅罪行、公開向高麗道歉兼賠銀。正當高麗一姐感到哭笑不得之際、寶島大佬馬仔哥便急不及待的跑出來、要求架仔也向寶島人民作出道歉和賠銀。呢嗱、江湖上機乎無人不知到架仔之所以向高麗道歉、完全係受壓於山姆大叔嘅淫威之下而做的。山姆大叔嘅如意算盤就係、先將架仔與高麗兩者之間的一道歷史鴻溝填平、繼而迫使撲水惠跟安屁攜手充當花旗牽制天朝嘅先鋒。由此看來、架仔嘅道歉與賠償除咗要配合山姆大叔戰略上嘅須求之外、基本上係完全冇其它意黨義的。在下實在唔明白、點解麻馬仔哥竟會對這般虛情假意嘅道歉如此渴望?

 

呢嗱、即使被人罵我仇架仇花都咁話、我之所以話安屁呢條茂利全無誠意道歉係有根據嘅。事實上、正當安屁一方面派代表向高麗道歉之際、而另一方面又遣其妻子跑到靖閣鬼舍祭鬼。全世界都知到、呢間鬼舍裡面所供奉嘅大部份都是被山姆大叔處決咗嘅二戰戰犯靈位。相信稍為讀過歷史嘅人都知到、這批戰犯就是在二戰期間到處屠殺它國人民嘅主兇。只要腦袋不是用來裝米田共嘅人都看得出、今次架婆跑入鬼舍就是要告知佢哋嘅先祖、他們永遠都不會忘記今日被迫道歉嘅恥辱。從反應上看來、高麗一姐撲水惠是很清楚這趟道歉實在連個屁都不如、但礙於奧黑馬嘅壓力不得不接受、只係一向天真嘅寶島大佬馬仔哥至今依然係天真如昔之嘛!依我睇、要攻破架仔那個寧死不認錯嘅傳統格局、唯一方法就是自己企硬、並且要鍥而不捨的向他們追究責任、務必要令他們在你嘅壓力之下反省、絕不能存有半點猶豫、否則休想獲得他們真心道歉。

 

 

回應 (2)
我要發表
開心van仔
開心van仔 2015/12/31 16:31:15 回覆

我到現在都無意去日本旅行,也不食日本野!

sinnid
sinnid 2015/12/31 14:29:06 回覆

 絕對同意!一於企硬!

user

最新回應

*KK*
*KK* 2019/09/18

兄台眼光獨到. 不出一年就有大龍鳳睇了.

"污膠藤"單野, 不知若傳到近日來港的"毒眼寒流柑"之祖家又如何呢? 若彼邦之"安胃女孩像", "神大將軍像", 甚至"安義士像"等受如此對待, 真不知此"柑"會否敢在祖家國民面前仲乜野物野囉...

多年來各大爛仔館既欺師滅祖, 以至人性夏令營等精彩場面, 真係值得透過寒流輸出至全球! 彼此認識, 促進交流呢! 世界必有新氣象, "時代革命性解放"嘛!!!

開心van仔
開心van仔 2019/09/18

你好,很久不見了!我沒有在頭條寫野也有一年了!今天突然回來看看,高興見到你呀!近月心情很沉重,太多負面新聞令人情緒低落,不知亂局何時了!

123331
123331 2018/08/22

亞域哥,「來者應,去者靜。法住無常,止心一處。」謝謝。

開心van仔
開心van仔 2018/08/22

很喜歡看你的文章,為何不寫?你今日的話令我有共鳴!我進入古稀之年,剛做了第二次通波仔手術,對世事已不再熱衷了。只希望可開心過每一天。回望過去幾十年人生,很多事都淡忘,只記開心的事,不開心的由它去!現在對很多事都淡然處之,只爭取多些時間與孫兒們相聚。

祝君身體健康,生活愉快,開心每一天!真希望可再見你的文章!