九龍城--今非昔比

2016/01/05 08:48:09 網誌分類: 生活
05 Jan

由我家去九龍城廣埸,話容易又得、話難又得!容易嘅係樓下有小巴經果度,但回程要從太子道經一條頗長嘅隧道、通過世運公園才可過對面馬頭涌道宋皇台公園對開搭巴士;唉!可惜今次回程非但難、係非常非常之難!

由於世運公園原址興建地鐵,依家要行一條隧道、再上上落落兩條好短、但係好高嘅行人天橋才好抵達對面---上落天橋一向較行隧道辛苦!仲要上落兩條,行左一條才知道還有一條!那時想返轉頭都唔得---正是進退兩難!

我明白興建地鐵是為將來方便,亦明白興建期間一定會引起不便!但如果有告示清楚寫明要上落兩條天橋,我寧願行去新蒲崗搭車,起碼都係行平路!更加唔明何解要分建兩條天橋、而不將其中一段改為斑馬線?

再者,九龍城廣場做極唔旺,真係冇咩嘢興致去!臨尾仲要咁辛苦,唉..

一月一日元旦,無事可為,挑起條筋去九龍城廣場。下車後,沿途祇見十鋪九空!奇怪:如果係拆樓搬走嘅,果啲應該係好舊嘅唐樓吖;如果係因為元旦休息,應該有通告貼出嚟吖!何解呢?

九龍城廣場唔大,依家有兩層係Aeon,所餘鋪頭唔多!要行Aeon,黃埔都有啦,冇必要行果度!祇不過九龍城除左佢、得樂富有商場,對當地居民嚟講,聊勝於無囉。

當真是:機場去後,此龍城便変成一座空城?

反而行吓隔離啲舊街仲買倒嘢:

吉餅:

 

柿餅:

 

梨乾:

全部都係潤肺嘅!行得咁辛苦....啱用架啦!

回應 (0)
我要發表
user