PACO名人會
PACO名人會
PACO名人會

《鴨王2》玩盡情慾意識 何浩文:導演要我露天車震!

2016/01/11 08:41:16 網誌分類: 娛樂
11 Jan

        王晶最叻玩噱頭,去年三級片《鴨王》找來34D袁嘉敏露點演出,成功刀仔鋸大樹,勁收800萬元票房,火速添食的《鴨王2─雞同鴨戀》雖然三點不露,但意識極盡大膽,鴨王何浩文Dominic笑說:「上集係奇情片,今集係劇情片,有戲味好多,戲中我依然係鴨王何巨鋒,因做了老闆只會招呼VIP,而Connie Man(文凱玲)想做雞就來向我取經,都有幾場激烈牀戲,甚至會跟新人林莉嫻(Leslie)車震,要在露天貨車上拍親熱戲的確唔容易,慶幸出來效果好靚。」事實上,預告片的連場牀戰異常吸睛,在此預祝電影大賣!

        將於本周四上映的《鴨王2─雞同鴨戀》讓人期待,鴨王何浩文笑言這次三點不露,但意識非常大膽,他說:「上集袁嘉敏露兩點會激啲,今集係劇情片,亦有連場激戰,甚至有SM場面,可惜無我份拍,哈哈!鴨王何巨鋒這次做了老闆,但仍會接VIP生意,Connie Man因家境問題選擇做雞,於是走來向我取經,學習取悅男人的伎倆,誓要做雞后,後來更發展成雞鴨戀。」Dominic坦言攝影師出身的導演姜國民耐心教導,手法乾脆俐落,「導演好清楚要點拍,機位鏡頭完全掌握得很好,他資歷深厚,《門徒》、《阿虎》都係出自他手,個個演員對他都很有信心。」能掌握每個機位鏡頭擺位的導演不多,姜導能把《鴨王2》拍出另類感觀,不單靠裸露作賣點。

        讚新人放膽去盡

        說到電影意識大膽,在戲中連場激戰的Dominic大讚身材惹火、擁有43吋長腿的新人林莉嫻Leslie,他說:「她第一次演戲已咁激,真係唔簡單,戲中除了兩點,大部份都係全裸,Leslie好肯演亦聽教聽話,導演要她做咩都嘗試消化去做,我覺得這值得加分,有時有些演員真係會唔肯做,會覺得自己做好功課,會唔信劇組、唔信工作人員,而Leslie對導演的信任非常足夠,跟她在貨車上那場親熱戲最激,自己未試過在戶外做這些事,仲要唔係封密式貨車,行埋旁邊望就睇到那種,要在那種地方演這種場口真係好誇張,但導演處理得好好,選位置亦好好,那裏剛好有個粉紅色燈牌,照入貨車籠個位好靚,睇得出他的功力。」那自己的表現又如何?Dominic說:「這次演繹上有不同,上集角色比較輕挑、小朋友,始終係一個學生,因屋企問題而去做鴨王,但今集係一個老闆,要演得成熟和沉穩,減少小動作之餘,說話速度亦慢下來,表情不再浮誇,要沉靜,有些戲只用眼神來交代,如Connie向我拜師學藝,我會用眼神來表達出同情,有種感同身受的感覺。」

        Hazel大家姐上身

        飾演Yoyo姐的唐紫睿Hazel表示這次主力搞笑,不用裸露性感演出,讓她鬆一口氣,她說:「雖然都係叫Yoyo姐,但跟上集沒關連,這次演一個一線女明星,演戲以外都會去賺外快,為人霸道,常欺負Connie文凱玲和Iris鍾采羲,踩爛佢哋啲飯盒,係一個好潑辣的女人,記得有場戲跟家琪姐嘈交,爆粗鬥鬧,其實個心都怯,但我要投入角色,係Yoyo姐就唔可以驚,所以都幾激幾爆,睇playback見到效果幾好,夠乞人憎!可能今次角色主要為搞笑,不用拍情慾戲個人就輕鬆好多,可以做回自己,還可以扮大家姐咁,所以演得好開心好放。」

        主持:黃柏高
        統籌:林永匡
        協力:彭燕燕
        攝影:袁東亮
        髮型:HaffmanCheng@Lsalon(唐紫睿)
        服裝:calvinkleinJeans(何浩文)
        場地提供:禾牛薈(電話:39973369)

  

        
 
■去年《鴨王》成功刀仔鋸大樹,今年《鴨王2》玩盡大膽意識,相信觀眾更受落。
■去年《鴨王》成功刀仔鋸大樹,今年《鴨王2》玩盡大膽意識,相信觀眾更受落。
■Dominic大讚新人Leslie肯學又夠博,戲中除兩點不露,幾乎全裸上陣。
■Dominic大讚新人Leslie肯學又夠博,戲中除兩點不露,幾乎全裸上陣。
■Hazel笑言導演第一次見面已指出她左邊面最靚,亦感謝導演拍得她很靚。
■Hazel笑言導演第一次見面已指出她左邊面最靚,亦感謝導演拍得她很靚。
 
■Dominic自言開始有點膩,他說:「對得太多靚女,開始有點厭,短時間內想收雀入籠,希望今次票房能贏第一集。」
■Dominic自言開始有點膩,他說:「對得太多靚女,開始有點厭,短時間內想收雀入籠,希望今次票房能贏第一集。」
■鴨王Dominic在戲中半裸操肌,勁吸睛。
■鴨王Dominic在戲中半裸操肌,勁吸睛。
■麥家琪擺明唔妥Hazel,夾埋Iris鍾采羲(左)整蠱對方。
■麥家琪擺明唔妥Hazel,夾埋Iris鍾采羲(左)整蠱對方。
 
■林子善在戲中大玩SM尋歡的場面,意識大膽。
■林子善在戲中大玩SM尋歡的場面,意識大膽。
■Connie向鴨王Dominic取經兼發展一段雞鴨戀,Dominic坦言這場戲只用眼神交代對Connie的同情。
■Connie向鴨王Dominic取經兼發展一段雞鴨戀,Dominic坦言這場戲只用眼神交代對Connie的同情。
回應 (0)
我要發表
user

最新回應

Brian Chui
Brian Chui 2020/11/09

做得呢行,其實要食得好,先可以以更好嘅面貌示人,真係好admire你地成日有得係九龍城美食及餐廳指南入面揾到食啊

srinivas
srinivas 2020/10/19

Thanks for the best and i love it.

ghd sports

2020/10/11
islamicnuskhe
islamicnuskhe 2020/09/29

We Are Best Islamic Astrologer in The World with  35 Years of Experience. Solve Your All Life Problem With Us. Contact Our Molana Asif Ali Khan.