食環署人手不足？
尋日寫左呢個標題，不知何故，自動消失！我憑記憶再寫過，睇吓今次事件係意外、抑或係人為？
紅磡區菜檔越開越多，多到拍得住便利店---梗有一間響左近！
對家庭煮婦嚟講，菜檔開得多、競爭多左，自然價錢便宜(依家電視台就係因為冇競爭，所以不思進取囉)；對於人多食飯嘅家庭，慳得一蚊得一蚊---山大斬埋有柴！
但係，有一利自然有一害！最少，對於正式街市菜檔嚟講，當然苦不堪言。除此之外，最大問題咪係阻街囉：
船澳街 菜檔霸道 食署手軟食物環境衞生署曾被申訴專員公署炮轟打擊店舖阻街問題不力，但批評過後，阻街問題仍未能解決。有市民指紅磡船澳街有菜檔常佔用行人通道擺放貨物，令輪椅使用者過路增添困難，而地面長期濕滑更增加途人滑倒危機。雖食環署表示接獲轉介後已向有關店舖提出檢控，惟區議員卻直斥食環署過去巡查及檢控不足，導致問題一直未有改善，促加強執法。
「斜路本身已經難行，仲要霸住條路擺貨，搞到條路好逼，平時啲街坊都唔夠行，推輪椅嘅就更加辛苦。」居於紅磡的阿包指出，船澳街有菜檔常佔用行人通道擺放貨物，令行人通道大幅收窄。而菜檔又疑因在蔬菜上淋水而弄濕地面，導致行人通道地面長期濕滑，途人容易滑倒。阿包更指不時以輪椅接載母親出入船澳街，因此要邊推邊要求人群讓路，「仲要睇住地下跣唔跣，好驚隨時連人帶車跣低。」
阻塞半條通道記者於平日早上十時許到場視察，發現有菜檔在店外放置三行發泡膠箱盛載貨物，佔近半行人通道。欄杆旁亦被放置有多個盛載有蔬菜的膠箱及空箱，令通道進一步收窄。由於人流暢旺，加上通道同時有顧客停留購物，令路面水洩不通，而菜檔外一帶地面更滿布水漬，相當濕滑。
年接60宗投訴食環署發言人表示，投訴所指地點處於第四屆九龍城區議會轄下食物環境衞生委員會訂定的「處理紅磡區商舖伸延問題的聯合行動」的目標範圍內，在該範圍內的店舖可酌情佔用行人路面闊度四分之一的空間，而餘下的路面空間最少需有一點五米闊。
接獲轉介後，發言人指曾於不同時段派員巡查，發現行人路有小量垃圾及水漬，已安排潔淨服務承辦商清理，並警告有關店舖負責人。巡查期間亦發現有店舖違反上述計劃的標準，造成阻礙，已即時提出檢控。發言人又證實，過去一年共接獲六十宗相關投訴，並提出共七十六宗檢控。
區議員促根治「食環署一般會先勸喻，冇即時檢控，但勸喻只可收一時之效，根治唔到問題。」當區區議員張仁康指，菜檔阻街及地面濕滑問題存在已久，食環署曾表示因人手不足而無法頻密巡查及檢控，加上有關罰款過低，令問題難以根治。張認為在阻街定額罰款制度通過後，將有助改善阻街情況，惟食環署亦應加強巡查及檢控，方能根治問題。
投訴組
-------------------------------------------------------------
其實，上址問題尚未算嚴重。上星期在紅磡蕪湖街轉入馬頭圍道的角落新開了一個菜檔(在短短一條街、得七個鋪位，經已有三個係菜檔！賣菜真係咁好搵？這令我開始擔心這些菜的貨源)，貨品霸佔了三份一行人路，加上買菜的顧客，在繁忙時間，果處真係水洩不通呀！果度係行人主要通道嚟，上址同呢度都係響紅磡街市外圍；我經常見倒大批食環署職員當值----就係當值囉！企響度，其他睇視若無睹！
大量發泡膠箱更挷在車輪轉灣處的欄杆外！
我唔知其他區嘅情況，紅磡區近呢幾年，增加了不少坐輪椅人士。可能香港人口老化，區區如是！街道阻塞問題，對一般人都不便，何況還有那麼多輪椅人士？