雞蛋仔已是奢侈食物

早兩三年，樓下間「恆興」雞蛋仔每底十蚊，一次過買兩底收十八蚊！

自從同街開了間「媽咪雞蛋仔」後，雞蛋仔即時升格，每底十二蚊。當時我曾經講過，如果以原味比較，我認為「恆興」較佳；但係傳統口味最終不敵，「恆興」於大半年前結束了；依家要食雞蛋仔，祇能幫趁「媽咪雞蛋仔」，雖然附近有其他店鋪，但係始終食味、口感都不能相比。

我食過「原味」、「朱古力味」(我覺得最唔好食，太甜啦)、「芝麻味」，今日買左一底「紫薯蕃薯味」$22：

我起初都諗：究竟係紫薯定係蕃薯？原來真係兩溝架：

如果單憑味覺，紫薯味冇蕃薯味咁突出，但認真細嚼又真係食倒紫薯味！所以啫，食物呢樣嘢，識創新、又創得好嘅咪有「錢途」囉！你睇吓：

新口味價錢由$22去到$30都有！如果響較平民化嘅茶餐廳，食個午餐都得咯。