議員也瘋狂之加人工

     今天，立法會的一眾議員，都加了酬金；加幅可謂非常驚人，達到超過三十巴仙。今後，我們稱呼那些議們，不能只「尊敬」，而是「尊貴」的議員............

     ......因為，真係好貴。

     市民普遍認為他們不值；但，問心，曾幾何時，他們會以市的意見    為依歸呀，自身利益緊要些。况且，他們都是香港市民，大可以話為民請命添。

(以下純屬假設)

     有人問那些大蛇議員：「你們認為今次的加幅是否合理？」

     「合理，當然合理！」蛇王議員答：「我哋出席率也只不過三成，加三成當然合理，但有朝一日我哋返五成或十成，政府要追補番。」

     好卿鬧人的議員搶着答道：「我就話一啲都唔合理，直情係侮辱，我哋係直選產生，應該有局長級的待遇。況且，我日鬧夜鬧，好嘥氣，想買番啲参茸燕窩補吓，又鬼咁貴，加果小小，點夠！」

     「咁，妳嘈少啲咪得囉！」

     「錯，剛相反，愈加得少，就愈鬧得多就真！」

      正小人的君子漢奸李終於忍不住搭口：「我就唔志在加幾多，我有外部勢力撐，要幾多有幾多，區區酬金，不涉爭逐。」

     火爆的毛蟲慶過火炭，咆哮道：「你有後台就講風涼話，我有咗呢筆錢，我做多好多棺材架，冇咗我响度攪攪震，你地玩得咁過引。加幾多唔係問題，只要有得加..........。」

      官生好整以暇，四四萬萬咁答：

「收聲，出年有得做至講啦！」