同「新城電台」說再見！

自從「佔中」之後，為了跟貼時事，我每晚上床便通宵開著收音機聽「新城電台」；因為冇選擇：香港電台、商業電台我經已放棄左，因為該兩台太偏頗！

自此之後，愛上了「新城電台」，因為我覺得佢地嘅主持人講嘢比較中立。

晚上十一點至零晨兩點呢段時間，通常都係播聽眾打電話訴心聲之類嘅節目。有時講嘅真人真事我覺得好聽嘅、咪聽，唔好聽嘅，咪瞓囉！我最喜歡是一覺醒來，聽倒果個「晨曦，Good Day」節目，每早都會讀吓當日報章頭條，主持人又加啲意見、評語，一直聽到我出街食早餐為止。如是者，過左一年零三個月。

2016年開始，我發覺呢兩段時間嘅節目，突然間冇晒！可能節目主持人有宣報過，祇是我聽吓、唔聽吓，咁啱聽唔倒。

熟悉嘅聲音冇左、節目形式改變左。原本我份人都好肯接受新事物，節目改變個個電台、個個電視台久不久都會，但係我嚐試聽左兩個星期，都冇法子接受倒呢個改變，特別係晚上果個時段！因此，由今天起，我要同「新城電台」說聲再見，以後可以早啲瞓，有覺好瞓！

講開又講，聽左年幾，新城晩間嘅新聞報道員真乏係好唔掂:口齒不清！好似瞓緊覺俾人叫醒去報告新聞咁！

不過，我一向都唔聽「香港電台」同「商業電台」架啦！如果連「新城電台」都唔聽，咁係咪應該講：

                  我要同電台說「再見」呢？