「潮」在家中睇戲
2016/01/21 10:12:46
網誌分類:
經濟
如果，一個月之後，我不取消便有三個選擇服務。比較之下，我會揀第一個，畫面質素普通，同一時間，只可以在一個熒幕收看的，但月費只係六十八蚊，都算便宜。
至於片庫，戲碼普通，最吸引的不是電影，而是可看到本地電視台看不到的外國劇集。電影雖然不吸引，但勝在方便，因為我們搞電影的，要抄橋找靈感，睇的是舊片，不是睇新片，愈舊的愈好。今日的影碟舖已經買少見少了，哪裏去買舊片呢？上網一看，舊片齊備，非常方便。
第一晚，我和阿女就睇了一套《功夫熊貓》，一睇就睇了三集，甚麼舊片經典，一口氣一系列追看下去，如果要分析類型和寫影評搜集資料，那就不用在家翻箱倒籠，四處撲碟。這一種網上睇片消費網式，不會取代電影，始終，電影要在戲院看就真正過癮，在大銀幕睇電影，才是睇電影。家中睇片，已經是次級享受，但是，網上睇電影，勝在夠「潮」，正如網上購物，網上遊戲，網上聊天，不甘落後，上網才是話題，才是時代。所以，網上電影台，打擊最大的舊式消費，例如是本地收費電視的電影台，租碟睇片，回內地買老翻，都是oldschool。
林超榮
回應
(0)
我要發表