睇聯儲局
歐洲口術救起了外圍股市。歐元區今年1月的綜合PMI初值由去年12月的54.3下降至53.5,經濟表現有下滑趨勢,歐央行行長德拉吉連忙出口術救市,話可能在今年三月加碼推量寛,刺激油價反彈,紐約油價由上週四每桶28美元一路反彈至上週五傍晚的32.22美元。在能源股帶動下,歐美股市連續兩日,強力反彈,歐洲股市上週四升升1.5%以後,翌日再彈3%!
美股亦唔執輸,標普500指數上週四彈0.5%,上週五反彈2%,重上1900點樓上,收報1907點;杜指升211點至16094點,升幅1.3%;表現最好的是此前跌得最多的納指,大彈2.7%至4591點。
油價連彈兩日,係推動股市反彈的主要火車頭,上週五,杜瓊斯能源指數就大漲4.3%,遠遠跑贏第二位的科技股的2.8%話,紐約油價重上32美元,又令到市場投資氣氛好轉,股票恐懼指標VIX指數上週五就大幅回落16.3%至22.34,今年1月6日以來的低位。
美股上週五基本上係一個整體性反彈,杜瓊斯交通指數升1.3%、公用股指數升21.8%,羅素2000隻中小型股指數升2.3%。不過,我覺得美股呢兩日的反彈,只係大市跌得太多之係的短暫性反彈,未必等如呢一輪跌市見了底。即使加埋上周最後兩日的反彈,美股今年頭三周的表現,仍然係非常肉酸,標普500指數仍然係美股歷史上第三差,杜指更係史上第二差。股市就係咁,跌得多就會反彈一下,未來睇基本因素及美息走向,聯儲局在27、28日開會,會議決定點講,左右大市。
亞洲外圍股市亦唔好境方面,日本及澳洲股市跌入熊市區域。全球經濟前景更係唔樂觀,國際貨幣基金組織(IMF)日前將2016年全球經濟增速預期從3.6%下調至3.4%,而2017年全球經濟增速預期亦由3.8%下調至3.6%。呢次已經係國基會在過去12個月以來第三次下調經濟增速預期。
更重要的是油價前景非常之唔樂觀,全球石油供應不斷增加,需求卻跟唔上,造成供應泛濫。愈來愈多美資大行在唱低今年油價的目標,高盛以大摩認為紐約油價有可能跌落每桶20美元水準,渣打銀行睇得更淡,話可能見10美元,真係跌開就人人踩。
油價會唔會跌低到咁恐怖?真的好難講,翻查歷上急跌的記錄,1986年1月6日,紐約油價26.53美元,但去到同年3月31日,油價跌至 10.25美元。計埋通脹,大約等於依家的22.34美元。值得留意的是,目前認為油價不至於跌得太低的論據,主要係沙特唔會血殺式地壓低油價,但歷史證明沙特曾經咁樣做過!美國產油商一日唔死,沙特都有可能唔放手,想殺低美國頁岩油商,換番5年市場太平。
另外,影響美股走勢的還有強美元及美企盈利表現。兩者又與聯儲局加息有直接關係。美企第四季業績公佈期臨近,而分析普遍擔憂美企業績的表現麻麻,首先係石油等大宗商品價格持續下跌,對能源企業及原材料企業的盈利不斷削弱,而受惠於油價下跌的美企唔多,另外房地產及汽車業已上到峰頂,再難有上增長空間。隨著美元近期不斷轉強,美元已經成為美企的營運成本,就像勞工,原材料及借貸成的利息成本一樣。現實係,聯儲局如果繼續加息,美元匯價只會升無跌,國際巨企的盈利的衝擊有增無減。
可以稱得上係藍股中的藍籌股美國運通,上周五就恐怖下跌12.1%,就係因為強美元令到第四季的盈利受壓,又話2017年將會全面大幅縮減開支10億美元。強如美國運通都咁艱難,其餘的美企都好難挨也。未股後向,又要由聯儲局發落。要聯儲局對加息鬆口,美股先要可以穩定下來。
陸羽仁
陸sir早晨
我昨日亂想一下:
而家油價在$30上下, 美國以前的好盟友沙特唔減產, 目的係打美國的頁岩油商, 不過打左頁岩油商咁耐, 又好似唔見有大量頁岩油商倒閉的新聞, 美國甚至俾Iraq出油, 好似想罰下涉特咁, 唔知係唔係美國想借Iraq打可能背後同屬一派的IS呢?
美國此舉既可打IS, 又可打北極熊, 低油價又可以刺激消費, 好似有so
如果最後共和黨上場, 佢地佢地咁多大軍火商, 油商, 又會唔會對局勢有好唔同的影響呢? 今年美國大選, 東部又落大雪, 好似根本冇加息的空間
咁最後加唔到, 商品和香港樓市又會唔會再爆上去呢? 雖然話香港樓市供應多, 但昨日又流標啦, 所以根本冇得跌??
真係好亂, 唔知點, 請陸sir多多指教!
陸sir,
人仔有阿爺睇住,今星期美議息又無事,昨晚油價大跌後再跌風險大減。三原因都無了,港股會無市了
亨仁:若港股再下跌,最大事故可能是人仔失序下跌,不一定會出現,阿爺已出力挺,問題是若美國加息佢挺唔挺得住。若人仔頂住,港股應無事。
Let the market punish all of us forever...
No exception at all...
Punish forever...
SIGH...
官媒斥做空中國者將敗於市場
沽熊即插…教主呢舗值得三注香!
小貓:
猊下?!你打錯字定想點?!小心大市升到你唔信,夾死你地班淡友
而且回調是為未來的暴升提供能量,我不怕!
忍住抽筋 先醫頭痛
2016年01月26日
外圍市況好轉,加上油價一度回升,港股在超賣後再彈,在十天線徘徊。港股呢兩個交易日都係幾典型嘅反彈格局,恒指昨日最多升410點,高見19490點,但始終係購買力唔夠,大市午後腳軟,指數最終只升至不足300點,未能企在十天線上收市。恒指收報19340點,反彈259點;國企指數收報8173點,升68點,成交金額744億元。
暫不降準保住人仔
個市有得彈,近因係人民幣同港元匯價先後企番穩。金管局總裁陳德霖早兩日出來派定心丸,話今時唔同往日,大鱷要再玩股匯雙邊操控唔係咁易,因為亞洲金融風暴後,金管局放大咗個資金池,銀行體系結餘多達3700億元,金管局有很多票據可作緩衝,大鱷要推郁成個池水,涉及數似千億計資金,相信大鱷好難重施故技。
亞洲金融風暴時,香港係實行最基本的貨幣發行局制度,總之就用7.8做界,推一推就郁,當時亦無咁大個資金池,所以掟粒石仔落個池,就足以翻起大浪,後來金管局發覺咁樣好易俾人興波作浪,於是擴大了匯價上、下限,同時增大資金池,𠵱家再掟粒石仔落去,震盪好快會被池水吸收晒,所以要搞郁池水,除非用大石去轟炸,所以點解港元匯價上周跌破7.8,跟住再上番,就係池水大咗吸收震盪嘅效果。由於港元反彈企穩番,港元就有得彈吓。
雖然聯匯同港元防震力有改善,咁係咪代表雨過天青無事呢?答案就未必,因為講到底,呢輪震盪震央係中國同人仔,所以除非內地經濟同匯價搞番掂,否則都未係安枕無憂。陳總98年有打大鱷經驗,我地靠佢睇住個場啦。
最近呢次中港股市暴插,源頭係人民幣匯價不穩,阿爺愈來愈意識到呢個問題,故此穩定匯價成為短期決策重點。新華社上周五出英文稿發警告,話隨着中國金融管理當局採取措施穩定人民幣匯率,這些試圖做空人民幣的「激進」投機客必將遭遇巨大損失。中國政府有足夠的資源和政策工具來確保經濟形勢處於控制之下,並且應對任何外部挑戰,惡意做空人民幣或將面臨法律嚴懲。阿爺出英文稿發警告,似乎怕老外睇唔到中文稿喎。
淡友長期睇法唔會改
另外《華爾街日報》就引述人民銀行上周二召開的會議記錄,為穩定人民幣匯價,人行決定推遲減息降準。報道引述消息人士指,會上人行關注人民幣匯價,以及農曆新年前的錢荒問題,官員憂慮現時採用傳統寬鬆貨幣工具,如減息降準,對人民幣造成更大貶值壓力,決定推遲運用這些工具,為令銀行有能力應對現金需求,人行於過去一周,透過短期及中期貸款工具,為銀行注入16000億元人民幣短期流動性。
𠵱家內地好似頭痛兼抽筋同時發作,中央頭痛醫頭,看來都係決定先醫好頭痛先,先穩住人仔。根據𠵱家形勢分析,唔排除港股係農曆年前會有平淡倉盤帶動的反彈,但行得幾遠就真係唔知,因為睇淡內地的外資,唔會因為咁改變睇法,甚至會因為爺無得放水救經濟,認定放緩會加劇。如果想買股長期投資,係佢已從低位回升近800點後,𠵱家入市又未夠平啦。至於想玩反彈,就要自己睇睇身手有幾敏捷,走得慢小心挾住。
大股當中油股彈得較好,上周五國際油價報復式反彈,中海油(883) 急彈4.8%,報7.27元。繼發改委早前設定成品油「地板價」後,市傳內地醞釀上調成品油消費稅,有做下游業務的公司有啲影響,中石油(857) 報4.64元,升3%;中石化(386) 造4.29元,彈3.1%。油價大上大落,短炒油股者睇位落車袋住先好啲。
陸羽仁
2016-01-25
Dow Jones Industrial Average (^DJI)
15,885.22 208.29(1.29%) 4:19PM EST
......
我都識一個朋友信今年會有"大清洗"出現.....
為左治療地球的癌症,將會使用化療,清洗貧窮...
唔知香港是否在"被揀選之民"的名單裡呢?
頂, 我亂咁up咋喎, 但係條新聞有晒片同訪問, 好鬼逼真, 唔係搵d咁既野搞下話
打機mode : 立即出動特種部隊去搶奪病毒樣本, 打到最後總統下令用核彈清場, 大家有三分鐘時間打隻大佬然後搭直升機走人
依家兄,終結者已經在過去週末有佢嘅 The Day After Tomorrow,但係你嘅 28 weeks later,根據可靠性不明之報導†,可能嚟緊
†因為消息來源,始終是來自烏克蘭內戰propaganda (好似係叛軍那邊),所以可信性打折,不過既然同你回應終結者嘅有啲不謀而合,所以轉載
20 Dead, 200 Hospitalized After Reports US Lab "Leaks" Deadly Virus In Ukraine
Deadly virus leaked from US laboratory in Donbass - DPR Army and Intelligence
DPR Defense Ministry: Situation Report, 12.01.2016
正因為教皇猊下相信老鼠食貓~所以現實是貓食老鼠
P.S.
真係全世界都跌啊......教皇猊下準過端士名錶歐米茄
小貓:
你見過老鼠食貓嗎?
陸羽仁:既要睇股 亦都要睇市...
SIGH...
所以市場就永遠都咁波動囉~
小貓:
可惜我堅信不升不跌不生滅...
是YA好財經又好,是索羅C講又好,都唔重要。
因為股市未來是不可測的,呢個也相同於量子力學的量子不可測。
重點是教皇猊下您選擇相信哪一邊,
當教皇猊下選擇了牛,未來就會是熊;
相反~
當教皇猊下選擇了沽,未來市場的力量就會是買。
這就是量子力學中的"量子纏結"(量子纠纏)現象啦~
小貓:
唔係我講,是也可財經講的!
RE:若恒指跌到18,000點以下,需要發生一些重大的事故,包括大型金融機構倒閉,例如2008年9月雷曼倒閉,1997年百富勤倒閉,現在還未有大型金融機構倒閉。
---------------------
慘了~既然明燈教皇咁講,即係最終BOSS仲未出場~
大家真係要聽陸SIR講,留多幾飛子彈,等最終BOSS先用~
難得一波中美港油股滙共振反彈,被教皇猊下這麼"關注",應該都小命不長了~
希望將軍唔好傷心(定開心?)過度, 變左hehe....
亨教主 //永不買熊…// 無乜可能,人既本性呀
The Day After Tomorrow? 等耐少少2018可能係2012續集!
唔見將軍上嚟吹水。 以為佢去日本嘻嘻緊…
教主,袋鼠未去過食刀削麵。不過好多燒味都做得好好。
但係麻辣火煱店就要自己醒目識揀…
將軍冇講有份去日本, 可能褲二袋有份!
The day after tomorrow仲好少少
等陣整個28 weeks later就死得
The Day After Tomorrow 會唔會成真?
小貓:太過獎了~ :)
新年鐘,買匯豐 永不買熊了
權重股之一的匯豐(0005.HK)與建行(0939.HK),匯豐市盈率跌至6.6倍,預測今年息率高達9%,建行市盈率跌穿4倍,預測息率8.23%,由於匯豐在2008年金融海嘯已中過伏,過去數年雖然還是辛苦經營,但風險管理意識已較海嘯前大幅提高,所以在壞帳控制方法仍是較其他銀行出息,匯豐2008年每股資產淨值57港元,股價最低是33元,市帳率0.57倍,已是歷史的低位。
做成恐慌過度與貪婪過份的原因,主要是互聯網做成的資信發達,可以給予大戶上下其手,只要有貨或有空倉係手,即可利用傳媒/互聯網上下其手,上周埋單連期指幾乎沒有升跌,但波幅卻接近一千點,散戶好多時恐沽,或被貪夾。
若恒指跌到18,000點以下,需要發生一些重大的事故,包括大型金融機構倒閉,例如2008年9月雷曼倒閉,1997年百富勤倒閉,現在還未有大型金融機構倒閉。
袋總,兼明燈教副教主
唔緊要~如果OVER左~就有空間奮鬥啦~
但...小貓真係覺得TC兄您好陽光,好始終如一波~真係暫時未感覺到您有任何陰暗一面~形象好健康好Bright呀~
小貓:over左了... -_-#
袋鼠總堂主 (又名 “袋總” ),
澳洲刀削面好唔好食???
多謝TC兄~
您真係有心~又好人~又認真 有信用又講得出做得到,絕世好男人呀~
小貓:希望幫到手啦...
TC兄:
小貓先代各位師兄姐及全家大細,貓狗鳥魚花龜兔兔鼠鼠曱甴螞蟻,多謝您先
--------------
王上:
您就唔可以放天下蒼生一條生路咩?
點解非要今日買牛姐~唔可以比大家聽朝逃生的機會呀?
小貓唔想做小白貓呀~~
17:00入市買牛喇!
小貓:我走貨會講~
亨兄:你買牛熊可參考我買期指,我重等緊時機出手...
你小心啲貓毛一夜白髮
無留意收左市...只可以聽日一開市即沽啦....
已加返"聽日"
期指最後15分鐘,應教主之買牛聲明下跌
真係唔俾面唔得…
小貓︰
好似收左市,你點沽呢?但即使有得買牛?點買?
RE:我聽日買牛可以賺回嗎?
------------
聽到呢句...聽日一開市先沽部份 CALL輪鎖定利潤先~
賺少D錢唔緊要,最緊要保本,真係貓都驚死架嘛~
買熊輸到....等於上次22500點手中多支牛箭而X的傷度...
主席︰
我聽日買牛可以賺回嗎?
TC兄~
祝您在新工作找到滿足感,發揮到自己的能力,當然仲可以搵多D啦~
(記住上車落車都通知聲我地呀~一次主席,一世主席,我地跟您搭車架~ )
亨兄:今個月輸左幾多呀?
如果大家唔好俾面我不叫我教主就好,我輸得好慘呀...
鼠兄:當然要專心工作先,食飯時間會上來~
教主:主席都是虛名,大家俾面姐 :)
主席︰
你駛唔駛將主席一位讓出呢?