開暖爐慳電法
2016/01/28 08:41:49
網誌分類:
經濟
躲在家中，大開暖爐，一個不夠，再買一個，安坐家中，溫暖如春。
不過，暖爐跟冷氣機一樣，非常耗電，一連開足三日三夜，你就有點不捨得。
所以，有朋友教我一條好橋。
他說，這幾天，你開暖爐，又想慳電，不如關掉大雪櫃。
雪櫃是不能關的，一關雪就會融，食物就不能保鮮。
但是，有所不知，上個星期溫度低至五度，如果你住在新界，再低兩度。
我家是村屋，又在山上，每天只有三至四度。
真係凍得你騰騰震，好似住在雪櫃入面。
阿女話，老竇，我們不是住在雪櫃，係凍過雪櫃。
雪櫃大概是十度。現在我們是三度。
既然室溫都凍過雪櫃，從超市買來的食物，都毋須放入雪櫃，放廚房都可以保鮮了。
不如索性將雪櫃的食物都拿出來，關掉雪櫃，不是更慳電嗎？
你有興趣都可以這樣做，開暖爐，關雪櫃，此消彼長，就可以慳電。
以上的冷天慳電方法都係講笑。
寒天將至，不少人才買禦寒衣物，買羽絨，添大衣。
阿女不明白，寒衣不是一早買好，為何要天氣轉泠才急忙添購。
唉！阿女有所不知，好多窮人正係慳得就慳，天氣不凍，可以不買就不買。
事關香港冬天從來不冷，今年買了，不知何年才用得着，窮人就覺得有點浪費。
林超榮
回應
(0)
我要發表