《等一張紙的消失》

新同事，你唔識用FAX 機，可唔可以直接同人講你唔識呢？

話說公司新來的同事得罪左阿頭，阿頭已經好少同佢交流，工作上的事，不是email通知佢，就係透過我哋做中間人。

關係去到咁，基本上佢係公司既前途已經玩完，只係等緊日子要被裁走，阿頭無視你，代表新同事已經「等待被消失」。

佢重留低既日子，我哋舊人會繼續教佢做野，因為始終係多個人多雙手，反正係公司既資源，袋住先，用住先啦。

話說有一次有份急用的文件，趕住要第二日開會用，於是請這位新同事幫忙，fax資料去另一間公司，並叫他儘快處理。

臨走前，由於唔放心，多口問左一句，「你知唔知點fax？」

他拋下一句「識」，就離開座位去fax文件，見佢咁講，我就放心，於是繼續做手頭上的工作。

不過過左半粒鐘，都未見新同事番個位，我諗住佢可能去左廁所啦，又或者佢fax完，唔記得話我知，做緊其他野。

點知一個鐘後，佢依然未回座位，我開始諗係咪去左偷懶，基於好奇心驅使，於是走去fax機那邊，了解下發生左乜野事。

不看還好，一看當堂俾嚇親，竟然發現那個新同事，仲企喺架fax機面前，於是我走上前問他。

「你fax左未？」

「未。」

「下，咁你成個鐘企喺度做緊咩？」

「等緊張紙消失囉…」

「什麼?」我以為自己聽錯。

「我按左個『fax』掣好耐啦，但係張紙仲未fax出去……」

細問之下，原來佢以為Fax 文件，係份文件會透過架fax機分解後，再透過條電線去左人地間公司的Fax機，再重新重組，佢緊係睇得「數碼暴龍」太多上腦，明明唔識fax 文件又要扮識，比人發現又問非所答，係一部Fax機裡面，一張紙會「被消失」，究竟係咩野邏輯？最可怕係佢竟然可以答得咁理直氣壯。

我當下無言。

不怕神一樣的對手，只怕豬一樣的隊友，我之後點可以再信佢，交野俾佢做，看來人多好辦事，都不一定是對的，唯有靠自己。