香港政府與香港大學看齊

我細個果陣，阿媽每次鬧我(唔一定係我錯架！因為我啲大佬做錯事，我阿媽都入我數架)都會講：「有好人唔做你做壞人，有好嘢你唔學、學衰嘢！」

哈哈！時至今日，原來呢句嘢可以套用於香港政府：「做咩嘢你有星架坡政府唔學，偏偏要學香港大學---人地全球排名碌落山，你都要學：依家香港清廉指數較去年又跌一位！你話係咪好學唔學吖？亅

有咩嘢法子吖：

陳志雲一案攪左幾年，雷聲大、雨點小，罪成都係罰十萬八萬了事！咁唔係鼓勵人貪污，係咩嘢呀？

「貪曾」一案，一查幾年，證據確鑿；大家又不妨拭目以待，睇吓係咪又係罰款了事？

「貪湯」一案，依家又話證據不足以檢控佢。政府祇會內部處分，但不會向外公報結果！咁即係明放啦！

收受黑金單野，如果吾係不了了之，便是等(垃圾會)任期完左，當事人落選先夠膽打落水狗！

廉署自成立以來，曾經風光一時，好受市民尊敬架！可惜此情不再啦。依家嘅廉記(同香港政府一樣)真係有同冇都一樣----又係果句啦：多做多錯、少做少錯，唔做冇錯；又同「垃圾會」啲垃圾一樣：做又卅六、唔做又卅六，咁就繼續hea落去啦！香港市民經已唔望向前行架啦！但求唔好再落多兩級：好似小龍女咁，冰封十六年啦！