就算腳抽筋也要堅持

每天放工繁忙時間6點半，無論在紅隧口、龍翔道、告士打道，對於揸棍波車人士黎講，唔多唔少都係一個大挑戰，皆因香港塞車嚴重嘅時候，係講緊每次1/3車位咁慢慢向前溜，入得一波，吊得極力子厘，架車又要停低，呢種情況，完全很難稱之為樂趣。

有次重尷尬，話說揸住架私家車去踢波，當日由於比賽過程激烈，唔輸得，大家十分落力，仲要踢埋加時，到踢完波上車之後，就知領野，一踩落個極力子，左腳即時大抽，唔識郁，好彩痴車坐隔離位個隊友識得揸棍波，即時換位，幫我揸架車返屋企，先至沒有發生交通意外。