神奇濾水飲管

大家都知，未煲過嘅溪水，唔可以亂飲，喺香港，唔好講溪水，連水喉水都要煲過先可以飲，但萬一有天意外留落荒野，搵唔到乾淨水源，我們可以點做自救呢？

現在科技有新發明，如果你有一支神奇濾水飲管，未煲過嘅溪水都唔駛怕，呢碌貌似粗壯電子煙嘅嘢，其實係瑞士Vestergaard公司的產品，專門為發展中國家開發「控制疾病」產品，包括HIV測試、食物安全、乾淨食水等。

上面嗰碌「Lifestraw」，係其中一款手提濾水器，真名叫「Lifestraw Steel Two Stage Filter」，濾水器優點在於唔使用電、唔使用泵，只係需要人將佢當做一支普通飲管咁，隊落天然水源直接啜飲就得，就算係冇煲過嘅溪水，或者是污糟的水都冇問題！

濾水飲管靠入面嘅兩層「過濾碳」，能夠過濾99.9999%嘅細菌、以及99.9%微生物，仲可以過濾氯氣、有機化合物、色素、氣味等，一支可以過濾100公升水，而濾芯可以更換，新的只係要60美金，折合港幣約480元，都算實惠。

推廣期內：現在買一碌新的濾水飲管，仲可以贊助非洲一名學童，一整年用量嘅乾淨水，真係完美的結合，不過在香港，唔知能否過濾埋水中的鉛？