瘟神又來了！

年初二：祝大家富貴滿堂！

原本過時過節，是普天同慶的日子；偏偏有班瘟神，惟恐香港不亂！呢班嘢較果班「犯人」更討厭，不是嗎？班「犯人」話晒都係尊貴嘅政棍，受到政治庇護---響議會掟杯又得、掟蕉又得、阻住會議又得、收黑金攪亂香港又得.....但係佢地始終都錫身(特別係「魚弱微」呢類自以為係藍血，更加鍾意隔岸觀火，睇住班爛頭卒去衝鋒陷陣，自己企埋一邊陰陰笑)，佢地幾衰都係得把口！即使係出埋動作，都係大「騎呢啡」，做完大龍鳳又收工去開檯，做唔出啲咩嘢！

呢班「本土騎呢怪」就唔同啦！佢地係真真正正嘅爛頭卒，又唔駛顧身世，要衝就衝、要打就打....最緊要係咩嘢呀？記得帶口罩藏頭露尾囉！

今次又奇怪喎！佢地居然打「無線」、「有線」..記者？年初一流流，就要有組織(咁當然亦係有預謀啦)咁破壞香港秩序；今次仲有唔少人受傷添！請問佢地有邊一忽係值得香港人同情架？仲話要響新界東參選？不過，新界東嘅選民又真係......瞓街卿又得、長毛又得....除左正常人，仲有邊個參選會唔得吖！

轉載：

旺角騷亂：示威者襲警縱火　警向天開兩槍驅散

【on.cc 東網專訊】 凌晨2時，旺角衝突事件演變成騷亂，示威者突然衝出亞皆老街近上海街的馬路中，當時只有交通警員在場，立即上前喝止，惟遭人施襲，不斷投擲卡板及雜物，警員手持警棍戒備，惟因警力較少，無法制止，一名警員被掟中面部倒地受傷，示威者衝近再向他擲物，同袍見狀援手，不料被人從後用木板拍打背部，情況異常混亂，有警員用對講機向上級要求增援，期間示威者不斷將垃圾桶等大型雜物拋出路中，亦有人將玻璃樽飛擲向警員，當中一名警員見同袍受襲，於是拔出佩槍，向天鳴槍兩響示警鎮壓，示威者聞槍聲才略為後退。

另方面，在砵蘭街與快富街交界則有示威者乘亂縱火，將雜物堆放在路中焚燒，警員召喚消防員到場灌救。

結果多人被捕，包括新界東候選人「本土派」梁天琦。

何解「智衰係你」？

該位仁兄曾涉嫌住所違規僭建、 曾批評同性戀、被投訴自稱社會工作者、被質疑是偽民主派

何謂「過橋抽板」？

「公文袋」內的激進派。據講呢位仁兄當年係湯大狀放佢入個「公文袋」嘅。當年同大狀認親認戚，依家湯大狀走左，佢就反面唔識人，拒認對方係師父！

「鼎住香港」？

上述三位，除左第一位係我真係認識之外(即係佢又識我、我又識佢)，其餘兩位我都唔識。阿鼎俾我嘅印象來自近呢一年我都冇睇嘅「城市論壇」，當時覺得佢口齒伶俐----做得政治人物口齒伶俐係必須嘅、或者演技了得都可以(扮好人、扮「若」者、...)。當然最重要都係人品啦！你幾叻都好，如果為左錢可以出賣港人、擾亂秩序嘅，話之你幾叻都冇用！

咁佢係咪好人，我真係唔知！

「哪吒不怕！」

我與她因工作上有一面之緣，自此她便經常發短訊給我；免免強強叫做認識啦！

方幗珊，香港西貢區議會環保北選區民選區議員，前自由黨成員，現為獨立、無政黨背景的議員，兼任智庫組織專業動力召集人。綽號「哪吒」。 方國珊參選2012年立法會選舉，以獨立無政黨人士出戰新界東選區，最終得24,594票排第十最高票落敗。 2016年1月3日，方國珊宣布參選2016年香港立法會新界東地方選區補選。因得不到黨的支持，毅然退黨都堅持參選，你話佢係咪冇有怕吖？

循例一講，立法會新東補選候選人除咗圖中由左至右嘅黃成智、楊岳橋、周浩鼎、方國珊，仲有梁天琦(本土民主前線)、劉志成同梁思豪。