心情不佳走到橋上面...
有個老婆whatsapp佢老公, 話心情好差。
隔左一陣, 老公打電話俾佢, 老婆話：「我嚮天橋度啦……我喘緊氣, 唔同你講。」
老公好驚慌咁問, 「點解你嚮天橋上面架?」
老婆話：「我今日好委屈... 朝頭早返工, 條路你知好窄架啦, 有兩個男人……」
老公：「d男人對你做左d咩?」
老婆：「佢地平排嚮前面, 行得慢, 又傾計, 都唔理後面有冇人趕時間既, 於是我輕輕走出馬路, 行去佢地前面囉, 俾人用粗口問候。」
老公：「哦。」
老婆：「到我放工, 你知屋企部lift幾細架啦, 放得4個人架之嘛... 咁, 我見有女人推bb車, 又有另一個背住個b, 咪讓佢地上先囉, 點知背住個b果個又讓有車果個, 背住個b果個同我一齊等第二部lift, 然後又多左另一個背住個b既女人等lift... 我心想, ok, 我唔肥, 同佢地一齊入第二部lift啦。點知, 部lift入滿, 然後, 有個男人....」
老公：「男人? 佢做左d咩?」
老婆：「佢逼左入部lift, 掂到我pat pat, 我好唔開心, 好想鬧佢, 不過有其他女人又有bb嚮lift, 唔想嚇親d bb, 所以冇鬧佢。」
老公：「咁咋下?」
老婆：「唔止呀, 到我lift到, 個男人咪塞住個門口既, 我大聲話唔該借開, 佢唔理我呀! 你知部lift兩秒就會關門架啦, 我再講唔該借開... 其實我好唔想講唔該, 因為我好憎佢,我 點解要咁有禮貌?因為... 你唔嚮屋企, 我驚俾人點相, 同埋抽後算帳。」
老公：「哦。」
老婆：「仲有呀, 真係衰運一條龍。由於我唔開心, 唔想留嚮屋企, 我決定返我呀媽度。我搭返lift落黎, 又見到個男人呀!」
老公：「個男人... 又做左咩呢? 老婆你冇事嗎?」
老婆：「個男人, 中坑黎架。之前果個都係中坑。今朝果兩個都係中坑。呢個中坑推住部大大部單車想入部只可以裝4個人既lift...而且……」
老公：「吓?」
老婆：「佢個口有支點左既煙呀! 佢擔住支煙入lift呀! 我最憎人食煙!!!」
老公：「然後呢?」
老婆：「我好大聲咁講, 不如我出去! 個男人當然覺得好啦, 然後我大聲發洩話: 真係激死人, 成日都係咁, 冇lift搭...」
老公：「之後你行樓梯落去, 冇事嗎?」
老婆：「有個輪椅呀婆嚮大堂... 又有菲傭。我要運路走囉...」
老公：「係喎, 你嚮天橋上面因為要搭火車搵你呀媽, 唔係想跳橋呀?」
老婆：「有考慮過... 係喎, 我都話行到喘晒氣唔想同你講野囉。你要好好地幫我照顧仔仔呀! 我去啦!」
老公：「咁好啦, 一路好走呀~唔送啦!」
