一個人的餐桌系列 - 北海道三文魚 · 牛堡 - 麥當勞 (灣仔)

從前兩口子或一家人外出食飯，往往會為食什麽菜、去那兒食而頭痛。現在偶爾獨個兒吃飯反而更隨意輕鬆，而「牡丹樓」更是單人飯堂的方便之選，簡單快脆。

一個套餐有齊麵包飲品小食，雖然較爲單調，但勝在夠經濟唔駛煩，加上它現時定期推出一些期間限定的新款式，為枯燥的餐單增添一點點新意。

最近剛試過新推出的北海道三文魚 · 牛堡，睇賣相同廣告形容得頗吸引，三文魚製成吉列魚扒，外脆內軟。配上明太子醬，加埋我至愛的牛肉漢堡扒，配搭都幾新鮮；回看實物，賣相六成相似，吉列三文魚扒外皮不夠香脆，可能放耐了或不是即炸的關係吧。

牛肉漢堡扒質素一般，該餐廳的一貫水準；生菜絲雜亂周圍跌是死症，唯獨明太子醬較有驚喜，酸甜幼滑得嚟滲出淡淡鹹香，與三文魚扒的海鮮味很夾，整體味道唔差，可以一試。

雖然Junk Food對健康唔係咁好，但邪惡食品永遠都是最誘人的，一個人偶一為之應該問題不大吧！

原文連結: 一個人的餐桌系列 - 北海道三文魚 · 牛堡
更多資訊，盡在: 古家私房菜
Facebook: https://www.facebook.com/myplayground2015 

古家私房菜
本肥仔廚藝不算精湛，勝在有三心兩意－－用心、耐心、貼心、創意同心意，見到朋友食得開心嘅同時，我亦覺高興！