大熱！半熟芝土撻 - 半熟工房 (銅鑼灣)

2016/03/06 06:06:42 網誌分類: 飲食

06 Mar

自從杜小姐在其旅遊節目介紹過日本這個半熟芝士撻後，坊間不少店舖都紛紛推出相類似產品，連日本元祖店都渡江過來開店。小弟一向熱衷嘗試新美食，但礙於這店舖一直高據長龍榜榜首，故未有時間一試，直至前天路過一間本地薑半熟芝士撻專門店，見到剛剛出爐，而排隊人龍亦不算太長，遂趁機買番個試一下。

這店的出品在網上口碑算不錯，據講是由港人遠赴東瀛取經歸來開店，裝修簡約清新，除了主打芝士撻外，還有半熟芝士一口蛋糕及其他賣相精緻的西式蛋糕甜品。

排隊約6分鐘，其間焗製麵包香氣從製作室飄出，令人食慾大振，終於見到聞名已久的半熟芝士撻出爐，每個約三吋直徑，牛油曲奇撻底，撻面焗成金黃色，一個個齊齊整整排好，令人見到都垂涎欲滴。

望真啲，原來除了原味之外，還新增咗自家研製嘅綠茶味半熟芝士撻。小弟最鍾意試新嘢，除買咗四個原味芝士撻外，還買了兩個綠茶味試吓。

原味芝士撻，聽聞咁耐，終於一撻在手，忍不住立即一啖咬落去。牛油曲奇撻底，薄薄的，香脆鬆化；半熟芝士餡，近乎流心狀態，一啖咬下去芝士漿立即湧出來，質感柔滑，帶著乳酪的酸香，面層烤得焦香的忌廉芝士，最是誘人，芝士奶香夾雜淡淡的檸檬香味在口腔緩緩滲出，減低了膩感，沒有想像中飽滯，令人忍不住再下一城。

綠茶味芝士撻，賣相沒有原味芝士撻般討好，墨綠色加上小小焦糖啡色，不甚吸引。牛油曲奇撻底依舊香脆鬆化，中間的綠茶芝士餡，既像mousse，又像泡沫，質感比原味輕盈，隱隱滲出綠茶清香，感覺清新，同原味比較各有千秋。

今次終於試到這個半熟芝士撻，味道真是不錯，尤其那個綠茶味，但可能聽到太多好口碑，期望過高，感覺未至於去到要長期排長龍的美食。抹去這個印象，其實質素還是做得很出色的，口感獨特，名不虛傳，值得去一試。