Keith Ku
Keith Ku
Keith Ku

真‧番茄餐@尖沙咀隱蔽茶室 - 星座冰室 (尖沙咀)

2016/03/06 06:35:35 網誌分類: 飲食
06 Mar

之前和朋友相約在尖沙咀見面叙一叙食個Brunch,當然要找個落腳點,朋友提議去一間出名食番茄麵嘅餐廳……星座這名字好似幾幽雅,遂跟他去試一下。

由朋友帶路,在金巴利道走入了一間殘舊的大廈商場,在地面那層繞咗一個圈,經一條頗為陰沉的樓梯落去地庫,心想好似唔太對路,好像跟這個名字有點不配合吧?幾經波折終於去到門口,原來是一間懷舊冰室。

沒有光鮮的門面,亦沒有豪華的裝潢,但就是有一種好親切人情味的屋村茶餐廳感覺。雖然位置都幾隱蔽,在地庫未去過可能會好難搵,但原來有個路牌指示行樓梯落去就會見到。

入到去裝修欠奉,一排排座位坐得頗擠迫,一派舊式茶檔格局,但仍見高朋滿坐,食客們都在埋頭苦幹的吃著碗中寶,相信質素應該不俗。

望望餐牌,主打番茄湯底,平均$30元左右,價錢中上不算太貴,這裡的招牌麵有一個芝士番茄撈蛋麵,見到都幾多人食,但因賣相欠奉加上唔想食得太膩,所以未有試。

我叫了一碗番茄餐肉通粉,上枱碗面滿滿是鮮紅煮爛了的番茄碎,餐肉當然是一般貨式但份量較少;番茄湯底不會太酸,較稠身味道不太濃,可能因沒有用上太多茄膏的關係;番茄味夠香但未至於好像中環歌賦街那牌檔的馳名番茄湯般,一啖飲落去好像在口腔引爆了一個番茄炸彈般,全感觀充滿番茄味;這裡的反而是清清的、淡淡的,慢慢滲出細水長流的味道,個人覺得一濃一淡大家各有千秋,完全視乎喜好而定。

綜觀質素未有太大驚喜,但仍是值得一試,多得朋友的推介,今次試到番茄濃湯通粉以外,濃中有清的另一境界。



原文連結: 真‧番茄麵@尖沙咀隱蔽茶室
更多資訊,盡在: 古家私房菜
Facebook: https://www.facebook.com/myplayground2015 

回應 (0)
我要發表
user