退濕五招

再下一個周日(20日)才是「春分」，但在「春分」正式來臨前，香港就要迎接連續5日最高相對濕度達百分百的日子。一到回南天，濕氣入屋，牆身出水，地板冒汗，要對抗潮濕，為愛家除霉，其實可以好簡單。

1.唔想牆身起「泡泡」可以點？

油牆或天花板前，先以2:8份量（防潮油:油漆）的底漆打底

2.衫褲有霉味激死人！

若衫褲霉味已成，點曬都無用，應立即重洗，但洗滌前可放在混入小量醋和牛奶的水中浸一浸

3.浴室無抽風機搞到牆壁有霉點

放一個裝有食用梳打粉嘅盒吸收浴室水氣，當梳打粉結成塊狀後又可以用來為浴缸、洗手盆及馬桶去溼

4.開窗定閂窗諗唔通......

有抽濕機最好，無嘅話都唔好怕濕氣入屋而閂曬啲窗，將窗口打開一條小罅隙，等有新鮮空氣入屋，牆身變暖會無咁易發霉

5.有無廢物利用又慳電嘅防潮法？

有飲茶或飲咖啡習慣的，可利用茶葉渣或咖啡渣自製防潮包，放入衣櫃又得，放在廚房、廁所又得，但記得茶葉渣或咖啡渣要先曬乾

來源:東網。