坐立難安

有外國研究指，長期坐着工作有損健康，甚至提高死亡率。近年站立式工作應運而生。部分公司鼓勵員工站立開會和辦公，究竟企是否比坐好？無論站立或坐下工作，如時間過長都會影響身體。建議嘗試站立工作一小時後，便坐下工作一小時這方式。

經常轉換工作姿勢有助鬆弛下肢肌肉，減少腰背及雙腿所承受的壓力。有研究將不同姿勢對椎間盤承受壓力作比較，平躺時椎間盤壓力水平約二十五，站立為一百，坐下約一百四十。因坐低時上肢所受壓力全集中腰背，故腰椎壓力較大。以同一姿勢站立則可增患腰背及雙腿肌肉勞損、靜脈曲張、膝關節炎及足底筋膜炎等。

選用輔助配件

站立工作者，不宜穿過高的高跟鞋，高度應約一吋為宜。過高或全平底可致膝蓋、臀部、背部勞損。若鞋底出現局部磨損以致傾斜，必須更換。

坐下工作者，雙腳應平放在地面，背部保持挺直並緊靠椅背、收腹、下頷微收及兩腳並排。上椅背角度約一百至一百一十度，腰部加放腰墊則可保持腰椎正常弧度。鍵盤應放在電腦桌的托盤上而非桌上，若須放於桌上，應將鍵盤拉近自己，並要維持腰部挺直。

--------------------------------------------------

一般寫字樓，都是坐著工作的。我算是較為好彩，卅歲後嘅工都係經常外出、開會、聯絡，所以唔駛成日坐響處。

不過，響政府工作時，大部份時間都是穿著三吋幾高嘅高跟鞋(明知外出工作果日，當然改穿便服啦)；有時因工作需要，還要站立三四小時，都咪話唔辛苦(不過，唔辛苦又邊得世間財吖！依家雖然未曾可以蓋棺定論，但係過去果幾十年咁勤奮工作係有回報嘅！)

我地嘅年代，初時未時興用電腦，後期才每位同事都要用電腦；要用電腦自然先要學吓點用啦！我淨係學識打中英文咋，所以每次電腦出現問題，我都舉手投降，搵秘書攪掂。期間秘書拎左舊嘢放響我個鍵盤前面，佢話用嚟託住對手打字，對手冇咁傷喎！唉，我正一係賤人，唔慣用呢啲嘢，所以結果俾番佢！如果要錫身嘅，我叫佢做埋都得啦(打字係佢嘅工作)，駛咩嘢自己辛苦。呢樣嘢係真架：年輕果陣青春無敵，即使有人告誡，自己都覺得冇問題！好似穿高跟鞋咁，依家年老咪後悔囉。

現今嘅人，不論年齡，一日到刻做「低頭族」，不少文章都講到明：咁樣係好傷頸椎架！但係有人聽咩？呢樣嘢我算係好自律：我唔會用手機玩遊戲、更加唔會用佢嚟睇電影.....有陣時響街度見人邊行(甚至過緊馬路)邊睇片，真係好討厭！既阻街、亦危害生命！

一個人一定要到某個年紀，才明白健康寶貴！