韓星護膚秘技

就算您唔係韓劇粉絲，都一定知韓國女星個個都皮膚白滑細緻，她們各自有家傳護膚秘技，讓我們齊齊偷師變靚啲！

1. 全智賢的「美白掌溫法」：全智賢非常重視美白，所以每日都一定搽防曬的化妝品，仲自創咗個「美白掌溫法」，喺掌心唧出黃豆份量嘅美白霜，搓熱對手輕壓、按摩塊面，最後用雙手覆蓋成塊面，幫助加強皮膚吸收！

2. 李英愛的「Less is more」：已經有一對仔女嘅李英愛，出名崇尚簡單生活，就連護膚步驟都一樣，佢認為搽太多護膚品，反而會對皮膚造成傷害，所以平日只係用補濕面霜，同山茶油嚟滋潤肌膚！

3. 宋慧喬的「牛奶洗面」：宋慧喬會用牛奶洗面，仲會敷埋牛奶面膜，實行密集式牛奶護膚，想肌膚唔似BB咁嫩滑都唔得啦！

4. 尹恩惠的「護膚油滋潤乾燥肌」：屬於乾性皮膚嘅女士，不如學下尹恩惠，佢平日除咗洗面同去角質之外，仲會搽護膚油，嚟滋潤乾燥嘅肌膚！

想肌膚同韓星一樣咁水嫩緊緻，一於學下佢哋嘅獨門護膚術啦！