亂世街人

政圈此刻最關心的事，已經由議會內審議政府法案的拉布對抗轉至立法會的換屆選舉(梗係啦！有議席才有黑金、有議席才可繼續拉布、有議席可以掟人無罪、....嘩！咁講法連我都想選埋一份。又係嘅，除左垃圾會，仲邊度有咁「筍」嘅工-----開會又得！鬧兩句走頭又得！最「棧鬼」係鍾意鬧邊個都得，冇法律責任嘅！何止冇法律責任，應該係咩嘢都唔駛負責任！淨係攪破壞之馬，你同我都得啦，駛咩嘢選佢地)。九月選舉距今不足五個月，準備選舉的各項工作早已全面展開，在港九新界各大選區已見準候選人的蹤影(平日唔知去左邊)。

以「世紀之戰」形容今屆選舉相當貼切，皆因不少政黨的命運將取決於選戰的結果，是興還是衰(辛苦幾個月，便可長嘆四年！仲駛咩嘢十年寒窗呢？難怪路人甲、乙、丙、丁，......祇要有三粒星都蠢蠢欲動；果條「茂利」衰在唔夠秤啫)，端看掌握議席的多寡。個別小政黨一旦失算的話，在政壇中淡出不會令人感到意外。

相反，新政黨通過選舉一炮而紅，取得議席，尤其是年輕的新面孔進入議會，就有望能開拓新世界(未經歷練，永遠在井底觀天，香港指意呢啲人？唉)。今次選舉，相信是歷屆之中最多新政黨參加的一次，其中又以打着本土派旗幟的最當時得令兼意氣風發(經濟越差，越多人搵唔倒工做，便越多人參選；但係，經濟又係佢地攪差估喎！咁係咪惡性循環呢？)

有趣的是，歲月不饒人，大政黨的領袖群也出現世紀大換班之局面。大批八十年代登上政治舞台的議員，的確垂垂老矣，面對年輕一代亟欲上位所帶來的黨內壓力，急流勇退，避免晚節不保，應是智慧的選擇，這種情況在建制與泛民兩大陣營中大不乏人。(份「筍工」應該輪住嚟玩嘅！長毛嘅板斧大家都睇厭啦。依家啲人可能鍾意睇焚書坑儒！)

今次選舉的結果，應是歷屆之中最難預測的一次，主要是泛民黨派與新冒起的本土派小政黨無法協調，各自為政，甚至互不相讓，估計鎅票效應將相當明顯，令鹿死誰手難以推算，一句話：人人有希望，個個無把握。(建制派又協調倒咩？果位侯生咪惟恐天下不亂囉。選民心態又點？睇新東補選結果，就知香港前途似「咁」啦)

另邊廂，建制陣營亦多暗湧，協調倍覺困難。新界原居民高喊組黨，在鄉議局內外及建制圈中就泛起不少漣漪，好戲在後頭也。(你估侯生行走「江湖」咁耐，佢會唔明呢個道理咩？佢想點？明眼人一睇就知)

宋立功