油價金價遲早創新高

　　12月30日，周日。2007年就快結束。今年金融市場可一分為二：7月前資金充沛，7月後受次按危機困擾，歐美各大金融機構股價跌過不亦樂乎，英國Northern Rock更出現擠提，引發全球股市急跌、聯儲局注資金融體系。另一方面，內地宣布港股直通車計劃，但11月溫家寶又證實港股直通車未能開出，滬深A股指數10月17日見頂……，2008年展望又點？估計2008年世界股市繼續受次按危機困擾。上周末金價升上845美元一盎斯，係1980年1月以來最高；油價曾見98.62美元一桶，睇鈬趨勢持續，2008年金價出現新高及油價破100美元一桶乃遲早之事。

容易搵大錢明年難再

　　中國方面，2008年人民幣升值速度加快及貨幣從緊政策下，將迫使銀行「扶優限劣」，加快淘汰缺乏競爭力鮋企業。樓價區域表現分化：珠三角較淡，長三角平穩，天津、武漢等二線核心城市看漲。城市化進度加快、政府加大閑置土地鮋清理力度，令2008年住宅供應增加及有資金、有品牌、有開發能力鮋房產公司併購中小型公司，令行業加快集中。最值得睇好係三年以前已攞到土地鮋公司，家纒單單地價已升值100％以上，低成本令呢D公司處於優勢。

　　2007年中國股市、樓價雙雙上升，唔少市民賺到真金白銀，相信咁容易搵大錢鮋環境2008年唔會重演。

　　花旗股價上周跌3.1％，見五年內新低29.29美元。高盛估計，花旗第四季要撥備187億美元以及減少2008年股息40％；JP摩根大通要撥備34億美元；美林要撥備115億美元。美斯百貨上周股價跌4％，見25.48美元，計劃關閉四間百貨店及裁員八百九十九人。美元回落2.4％，見1.4723美元兌1歐羅，因90％分析員相信聯儲局1月將減息四分一厘。英鎊兌歐羅亦跌1.8％，因相信英倫銀行減息至5.5厘；英鎊係連續第二星期回落，亦係1999年以來兌歐羅最低水平，今年英鎊兌歐羅共跌9.5％，11月份英國樓價再跌0.5％。

　　美國11月份新屋銷售跌至十二年低點，代表2008年美國建築業將進一步滑落。11月份新屋銷售減少1.8％，至五十萬五千間，存量足夠未來九點三個月銷售（10月份係八點八個月）。跌幅最大係東北部，跌幅約19％：南部跌6.4％、中西部跌2.8％，西部則升4％；估計2008年新屋銷售再跌8.9％（2007年下跌25％）。11月份新屋銷售較2005年7月最高峰時下跌53％。新屋動工亦係十四年內最低，較2006年1月最高峰跌48％，令2008年美國經濟陷入衰退鮋機會上升至50％。

巨資收購只為挖角

　　次按危機令花旗銀行前任董事長兼CEO普林斯下台，由今年7月才加入花旗集團鮋潘迪特執掌大權。潘迪特由最初只係花旗集團另類投資部門主管，三個月後負責管理所有交易及投資銀行部門，依家更管理整個花旗集團。現年五十歲鮋潘迪特出生於一個印度商人家庭，粛孟買長大，1973年到美國粛哥倫比亞大學取得電氣工程學士及碩士學位，其後再取得金融學博士學位，畢業後粛印第安那大學任教，1983年加入大摩，一做便二十二年，曾管理投資銀行及資本市場業務，亦曾出任機構證券及投資銀行部總裁兼首席營運官，過去為大摩贏得大量IPO承銷諮詢業務，仲創造出電子交易系統，令交易成本削減一半。此外，佢亦積極拓展國際業務，尤其係中國業務，其後其他投資銀行亦紛紛仿效潘迪特鮋策略。潘迪特鮋出色表現，一度被視為大摩首席執行官麥克鮋接班人，但佢粛2005年大摩內部權力鬥爭中辭職。2006年佢自己創立對沖基金Old Lane LP，今年7月花旗集團用接近8億美元購入該基金，以便獲得潘迪特呢個人才。當時普林斯話——呢個行動只有一個目的，就係令集團獲得世界級人才，當時五十七歲鮋普林斯已有意栽培潘迪特為接班人，華爾街則認為呢次係「最昂貴」鮋挖角成本。花旗執行委員會主席魯賓都認為潘迪特係一位不可多得鮋人才，亦係魯賓力挺，才令潘迪特出任花旗新CEO。潘迪特加入花旗時強調，要為呢家大型機構創造報酬，並婉拒搬入前任另類投資集團主管辦公室，理由係太過奢華。佢選擇一個較細鮋地方做自己鮋辦公室，理由係可讓佢更容易與佢鮋團隊接觸。哥倫比亞商學院院長格倫哈伯德話，潘迪特係佢粛商界同學術界見過最聰明鮋人之一。潘迪特有教授風範，但未到不會決策鮋地步，而且善於協調及喜歡和別人共同掌權。

　　潘迪特上任後，第一件事係對花旗銀行所有業務進行審查，與分析師召開電話會議後，決定精簡公司組織架構，專心經營快速成長鮋市場。潘迪特指出，信用卡業務報酬率偏低，未來可能唔會增加新投資。12月13日向旗下七隻陷入困境鮋SIV收購價值數百億美元證券，明年將放入花旗鮋資產負債表上，佢認為此舉有助SIV融得資金來償還債務。上述決定同幾個月前花旗管理層重申SIV資產唔會併入集團資產鮋言論背道而馳。12月11日將賈斯廷辭退後，投資銀行同另類投資部直接向佢負責。12月17日任命卡拉漢為花旗首席行政官，負責科技、銷售、商標及企業事務。卡拉漢乃潘迪特粛大摩時鮋得力助手，今秋才加入花旗。

花旗股東之一Sam Advisors公司首席執行官威廉．斯密斯則認為，此舉讓人有D失望，潘迪特可能係合適嘅部門經理，而非首席執行官。紐約資產管理公司Northstar集團主席Henry Asher亦認為，花旗應考慮一個有管理大型銀行或金融機構經驗嘅人。對於外界質疑，潘迪特嘅回應係：對一個人嚟講，唔應該睇佢過去做過乜，而係睇佢係咪有能力完成呢項工作。12月28日花旗股價成29.29美元，較1月3日56.28元下跌47.96％。未來花旗集團股價何去何從？將係2008年有趣嘅焦點之一。

　　泡沫之後係另一個泡沫；2000年科網股泡沫爆破，美國房地產泡沫開始；2006年下半年美國房地產泡沫爆破，農地泡沫又開始。根據美國農業部資料，到2007年8月止美國過去三年農地升幅超過50％，平均售價2200美元一英畝，今晚除夕夜，美國二百零八萬九千七百九十個農夫最開心。艾奧瓦州大學教授Mike Duffy指出，2007年年底美國農地平均售價3908美元一英畝，較政府數字高出22％。最貴嘅農地响美國羅德島州，賣12500美元一英畝；美國東部因住宅發展令農地減少、過去五年升幅一倍；甚至最差嘅農地，今年亦賣600美元一英畝。玉米生產乙醇計劃加上澳洲乾旱，令農產品有價，美國農地租金由2003年至今上升16％。統計數字顯示，60％農地由農夫擁有，40％由投資者擁有。七十年代農地亦曾上升，1979年見頂，八十年代至九十年代大幅回落跌幅近75％（1979年蘇聯入侵阿富汗，卡達總統宣布取消出口小麥到蘇聯，引發農地跌價）。2003年至今美國農地升幅近倍，後市又點睇？

美國農地泡沫開始

　　農地價進入高潮，房利美及房貸美卻陷入低潮，依家兩股嘅市價只及NAV 25％到35％。次按危機令信貸市場可能虧損1000億到4000億美元，即使5000億美元又如何？上述兩間公司都唔會破產。投資市場就係咁樣，愛之欲其生，恨之欲其死。

　　滬深三百指數2007年升幅161％。據調查所得，只有7％投資者响2007年獲利100％以上，51％投資者冇賺幾多錢，2％投資者損失超過50％。股市上升161％，居然有51％投資者冇賺幾多錢？散戶嘅回答係「好股拿唔住，蝕本股就被套住」。原來又係止賺唔止蝕。

　　滬深股市總市值超過30萬億元人民幣，2007年IPO規模達4470億元人民幣，投資者戶口超過一億戶。滬深三百指數由年初2030點起步，到10月17日5891點，上周五收市5338點；2007年第一季上市公司純利較2006年同期上升98％，此後兩季仍高達60％以上，係支持股市上升嘅有力理由。業績增長係奠定牛市嘅最沉實根基（至於升幅係咪過分又係另一回事）。以12月26日收市價計，滬市267810億元、深市56197億元，兩市加起來是324007億元，為中國2006年GDP嘅一點五四倍，似乎貴咗D。

　　香港情況又點？2007年上半年市場一樣充滿睇淡言論，我老曹曾寫過「太早睇淡係死罪」；當時泡沫論亦係主流，本人亦寫過「不妨沖個泡泡浴」。10月份國企股O炒到三十五倍，恒指升破30000點氣勢如虹，上半年睇淡者忽然變晒好友……。最後又證明股市鐵律：少數人贏錢、大多數人輸錢。

2007年12月31日（星期一）曹仁超 投資者日記(信報)