紅磡牛涮鍋

2016/04/23 08:22:31 網誌分類: 講飲講食
23 Apr

我的朋友中,有不少是戒吃牛肉的,但喜歡的始終較唔喜歡的多。

早兩晚姪女建議去紅磡間牛涮鍋(在「牛角」隔離,屬同一集團)。三月尾同佢去「逸酒店」食完自助餐後,我經已同佢講:響你走之前,都唔好再食自助餐啦!無謂難為自己個肚:食得少唔抵,食得多又壞肚皮!而且我一向食得少,食自助餐點食都係唔抵架啦!

入到店內,見餐牌上種類唔多,有幾款牛肉可供選擇,唔同價錢。

我大鄉里,第一次光顧此店。姪女柯打左以下牛肉$298一位,屬中上價錢。湯底有幾款選擇。我地揀左鴛鴦湯底:豬骨湯同昆布湯。姪女告知係任食。

我:「咁咪即係放題!咪又係自助餐?」

姪女:「咁佢真係叫做放題、唔係叫自助餐吖馬。」

以下一人一份(每份約有十大片),食完可以再叫:

以下嘅豬肉片同雞係跟餐嘅:個人感覺應該先食豬肉片,才吃牛肉片,因為牛肉味較濃,食完佢會覺得豬肉味淡。至於雞肉,我地每人試左一件便放棄,寧願留肚食多些牛肉。結果每人食左兩份,牛肉的質素很不錯!豬肉亦不差,祇不過兩者如果祇可揀其一,我地揀牛而棄豬啫!

你睇吓豬肉片個樣吖,真係唔錯架:

店的中央放了食物檯,有不同種類蔬菜、汁醬、肉丸、年糕、烏冬、和牛炒飯.....都係任食!

 

啤酒放題(祇得呢個牌子):每位$18,當然唔可以分享啦!如果唔飲啤酒,果汁及汽水係包埋嘅。

個人認為,如果胃納唔大兼且來此為左食牛,咁出面放果啲嘢,除左蔬菜,唔食都冇損失

甜品:照中所見,左面係雪糕機,右面係汽水機。

雪糕得牛奶味,奶味幾濃!

我自取嘅雪糕,加了團子同卜卜米:

綠茶蛋糕、泡芙:

埋單:每人$298+啤酒$18+加一服務費

我地用$200入會,便即時可全單減一百大圓。以後去此店或同集團店鋪(如牛角)便可享九折優惠,儲存積分仲可以免費享用指定食物。每光顧一蚊,便可獲一分。

回應 (3)
我要發表
2016/04/23 17:27:25 回覆

佢呢個集團係咁架!

2016/04/23 15:37:43 回覆

九十分中都好趕。雖然我食野都好快,但係限時限刻,感覺吾係咁好!

2016/04/23 14:57:25 回覆

女兒同我去荃灣果間,只分兩種價錢,用時間來分,一個價錢是九十分鐘,一個價錢是六十分鐘,老人與小童有優惠價。

有次同孫兒去食午餐,六十分鐘都有兩種價錢,一種只有一碟牛肉,一種就任食牛肉!我同孫兒食左七碟牛肉!幾勁呀!我地兩國重有優惠,所以很抵食!

user