拜金主義

2016/04/24 06:29:21 網誌分類: 生活
24 Apr

姪女前個星期去日本,幾個女子自由行。她在FB上載了一張金萡雪糕照片,覺得自己過著富豪式生活:

 

睇個樣,真係好盞鬼。上星期佢回港,我問佢:「果個雪糕筒幾錢?」

姪女:「折合港幣約六十幾蚊。」

我:「咁對雪糕嘅食味有冇加左分?」

姪女:「冇架!但係你唔覺得好靚咩?果間店所有食物都加上金萡架。」

我:「金幾多錢一錢?邊得嚟咁多金萡俾你食?即使係真金,食得多都冇益啦(金屬嚟)!」

姪女臨行前,我千叮萬囑叫佢唔好買糖果餅干返嚟,我唔食架。哼哼!就係講少左句,佢買左個金萡蛋糕回來:

姪女:「你叫我唔好買糖果餅干,我經已冇咩嘢選擇!好彩你冇講唔好買蛋糕。」請著個咁嘅菲傭/印傭,一定俾佢激死!

係咪好「金」呢?至於食味,蛋味好香,我縑佢略甜!不過口味嘅嘢,人人唔同,姪女覺得OK。不過,啲金萡祇係要嚟睇,對食味冇幫助!

佢仲送給我金萡面膜一套。佢教我:先搽上精華素,然後取金萡兩張分別貼在面頰,用手捽至金萡完全吸收便可。

我問:「金萡對皮膚有咩嘢好處?」

姪女:「唔知呀!」

我:「你跟售貨員用咩嘢語言溝通?佢介紹得清唔清楚?」

姪女:「用少少英語囉!佢地都唔係咁識講。」

我:「嘩!咁究竟啲面膜幾時洗、或者駛唔駛洗呀?」

我都覺得自己好鬼衰(彈三彈四----知我者就知我講笑囉!不知我者....)!姪女話齋:不便宜架!

咁啲金萡除左滿足虛榮感之外,有咩嘢用嘅呢?

回應 (0)
我要發表
user