炒炒MSCI
外圍股市無大變動,市場談論的焦點落在中國A股納入大摩的MSCI指數的消息上。
外電報導A股納入MSCI條件已成熟,又一間美資大行高盛發表報告,估計內地A股於6月納入MSCI的機會率有50%。
大摩MSCI在今年3月30日稱,已重啓有關16個市場分類建議的咨詢,包括納入中國A股,將在6月份公佈決定。各方對A股被納入MSCI再次充滿期待。《中國經濟時報》早前報導,法興銀行指中國最近做出的監管決定,提升了MSCI把A股納入其指數的概率,MSCI給A股的權重估計將超過5%。花旗策略師預計,MSCI在6月中旬批准納入A股並在2017年年中實施的概率為51%,2016年底之前納入的可能性是75%,在2017年底之前宣佈的可能性是99%。
彭博引述高盛分析師劉勁津等人最新發表的報告中,指A股在6月評估中被納入MSCI指數的機率有50%。如能在6月前解決MSCI最關切的一些問題,這個機率將「大大上升」,並不排除在非評估期宣佈決定的可能。
由於不少指數基金跟MSCI指數買股,所以將A股納入指數,意味市場對A股的需求增加。
高盛亦列出潛在 A 股受惠股,當中少部分是中港兩地同時上市股份。可能受益的個股包括復星醫藥(2196)、碧水源、天士力、華僑城、力訊精密、大族澈光、啟迪桑德、洋河股份、保利地產、中南傳媒、海康威視、華夏幸福、五糧液、省廣股份、平安保險(2318)、深圳機場、長安汽車、貴州茅台。
我覺得市場會炒一炒入MSCI消息,但即使加入,若初期權重不高,對A股刺激有限,對港股的影響就更間接了。
陸羽仁
吾識炒:唔好意思不在香港回覆慢咗,你問「可唔可以睇成為日本呢個星期的行動可以預視美國6月的加息走勢?即如日本呢個星期按兵不動, 則美國6月有機會加息, 到美國6月真的加息, 日元就自動向下跌?以"如果日本呢個星期大放水去推斷美國6月加息機會微"的思路, 係唔係怕日本自己放水做跌日元後, 美國再加息日元會再跌得更多? 」
現家睇美國6月加息的機會下降中,日元升值壓力下降。
去年12月美國開始加息後,市場預期美國加息兌現,美元已開始回軟,到美國顯露加息可能無預期咁多,美元更弱。如今日本央行無做嘢,可能睇到美元無加息,所以日本暫時唔使做嘢住。
黃金升的簡單原因就係美元弱,要美元轉番強,黃金才會下跌,但美國放慢加息,有利黃金。下一浪美元大升,一係美國大幅加息,一係歐日急促大量加碼量寛。如出現黃金才會軟。避險只是影響黃金的短期因素。
Spade Ace:你問「見到你講大陸似L著陸, 想問下關於月供嘅問題我喺2009年開始月供2828, 供到依家, 連股息好似都係打和到. 如果中國增長放緩, 係咪應該轉去供其他野, 定係揸住cash算? 當初供2828 都係諗住中國增長去長線D儲下貨.」
中國經濟放慢,但長線是否有大問題又不一定,只是不可以期望太高。轉月供港股,都有問題,第一若中國經濟出事,香港經也不會好。好似匯控下跌,佢地自己話係俾老外當中國股嚟沽。第二是萬一中國唔死,過兩年又會回升,到時怕股民又會說自己錯失中國的反彈向上。
總的建議是唔驚中國死可以照供,怕佢死可以分散風險,例如轉供恒生這類本地股,但要明白萬一中國唔死,呢啲本地股增長不如中國股。
有時不知道她們在做甚麽......
Breaking news...
梁頌昕向機管局發律師信...SIGH...
Breaking news...
IMF關注債轉股 促中國盡快回應...SIGH...
唱空股最怕有鬼
2016年04月28日
港股呢排似跌非跌,個市唔跌得主要係兩個因素,一係炒深港通快將啟動;二係炒年中摩根士丹利指數檢討,會將A股納入。𠵱家內地媒體同外資大行,不約而同開始炒熱呢個話題。不過,經過去年人民幣成功入籃後,引發人仔匯價震盪,市場都對呢類疑似好消息半信半疑,唔敢炒到咁盡。
去年中,A股入摩之說曾高唱入雲,最後願望成空,但大摩都做番少少創傷治療,畀番個希望內地,話今年6月再睇,所以𠵱家去到檢討前夕,市場開始炒作呢個話題。瑞銀證券中國首席策略分析師高挺就認為,隨着內地明確合格境外機構投資者(QFII)管理辦法,以及資金流動限制的憂慮解除,今年A股被納入明晟指數(MSCI)的機會比去年高,相信入摩機會超過五成以上。
但佢又提醒,就算納入MSCI納入A股,短期內對A股市場實際影響輕微,因為初步只會納入5%,料追蹤指數的基金進入A股市場,只會帶來22億美元的資金。
高挺嘅睇法,其實同市場大部份分析接近。對阿爺嚟講,MSCI指數同人仔入籃有啲唔同,大摩決策更多實利考慮,因為有部份被動基金係會參考指數投資。對大摩嚟講,若然繼續唔畀面阿爺,拒納A股入門,咁對做生意或者有影響;但如果擺咗入去,都要考慮基金反應。喺咁狀況下,同阿爺講吓數,叫阿爺做好啲,初期以較輕權重加入,都係順得哥情不失嫂意的做法。
對於入摩嘅好處,陸羽仁覺得𠵱家消息仲未大力炒作,現階段只係部份反映可能入摩的利好作用,但如果個市再借呢個消息炒上,咁就開始要小心好消息會反高潮嘞。
天能股價被砌低
呢排港股受特殊因素似跌未跌,昨日都係開市滑落,跌幅擴至130點,但收市跌幅又收窄番,恒指收報21361點,跌45點;國企指數收報9037點,漲21點,成交奀只有549億元。搶眼股份有渣打(2888) 借住首季業績出乎市場預期強勁,股價重上60元大關,收造62.7元,揚5.6%;匯控(005) 都跟漲0.8%,造52.65元。
因為被內地媒體質疑銷售收入和利潤數字的電池生產商天能動力(819) 發明聲明反駁指責,股價上演打鞦韆。
《證券市場周刊》聲稱早前走訪7位天能的銷售經理,均指佔天能83%的電池傳統主業,正面對產能過剩、價格戰有增無減等問題,令天能利潤持續向下。天能去年賺6.1億元人民幣,2014年全年虧損2.9億元。至於天能稱新業務中國電動車市場是業績增長點,報道就認為實施利潤貢獻有限,根本不足以令天能一年內扭虧為盈。
該報道推斷,天能今年和未來數年每年的真實盈利不會超過2億元人民幣。若給予10倍的估值,天能對應的企業價值不多於20億元,和停牌前近90億元的市值,完全不符。報道見報後天能早段遭大舉洗倉,股份周二停牌前收報6.31元,市值蒸發14.8億元。
對於內媒質疑,天能昨日發表聲明,引述益普索報告指電動兩輪車的市場保有量於2015年達到1.3億台,估計至2020年攀至1.4億台,對電池替換需求的年複合增長率為4%。同時,公司受益於中國電動車市場的快速增長,2015年天能實現銷售額約178億元人民幣,各主要業務板塊的銷售額均錄得大幅增長。與2014年銷售額相比,鋰電池增長209%,微型電動汽車動力電池增長83%,電動三輪車動力電池增長32%,電動自行車動力電池增長16%,資源再生業務增長29%。公司仲話對意圖唱空公司,及對投資者造成經濟損失的違法行為,已向相關部門報案。
鞋股有火車頭
由於天能回應主要係引述原有數字,暫時唔見有太多新料,股份復牌後雖然彈上6.6元水平,但好快插番落嚟,收報5.87元,再跌7%,市值跌到67億元。內媒通常做呢類唱衰報道,事前會先搞啲調研功夫,通常呢種狀況係無鬼唔死得人,怕有和公司關係唔好的內鬼爆料出街。好似天能呢類新能源股俾人咁唱一唱,股價相信都會幾傷。
今年全世界增長麻麻,體育用品藉住加入智能同優閒消費元素,成為表現較好嘅板塊。Adidas今年第二次調高全年盈利預測。撇除匯率影響,預期今年純利增長由原定的10%至12%,增至15%至18%。集團早前公佈首季業績快報勝預期,錄得收入48億歐羅。由於有幾個火車頭帶動,波鞋同運動衣飾股係今年二、三線股中較為好炒類別。
陸羽仁
2016-04-27
Dow Jones Industrial Average (^DJI)
18,041.55 51.23(0.28%) 4:37PM EDT
快要走出方向了~小心...
將軍,
見過都唔知, 冇去過網聚呢!
大戶兄: 子龍只去過一次, 停留了一分鐘, 唔知見過你未呢....
將軍記唔記得我咩樣? .......................... 不過冇去過網聚
花姐: 噢....子龍有過目不忘的習慣. 只要見一眼就會記得. 好像幾年前網聚見過rail兄同一位很美的網友, 今日都記得咩樣架....
子龍 巧厲害,仲記得我有四伯 。
叮噹....全日大市牛皮偏軟, 成交只有549億...咁少???
明天期結啦, 跟住就會踏入5窮, 6絕, 7....未知的大市呢. 好緊張呢.
大市由年頭跌到2月中, 然后反彈重上21000. 大市跟住會何去何從呢???
Persie,係咪介紹jackyk去Mossack Fonseca做新客戶?
bebe: 竊聽風雲...... . 換下手機又好, 支持下香港經濟.
重生兄: 即是發白日夢都得, 唔使VR......
將軍....vr 不是甚麽新野...發夢時都會....
子龍,
噢...... 我乱講咋,还未能確定到,只知手机中了毒,因為Andorid 手机好易中,尤其LG,朋友是IT逹人
佢話有D毒可以有竊聴功能,所以佢建議我轉手机,都係乱開email累事Lo.
大戶兄: 4伯市值已過百億, 比bb還要貴呢....
重生兄: 花姐強, 愛股又強. 話時話. VR會否是未來的亮點呢.....
到時焗炒, 就算 Johnny 哥都唔掂
將軍...四佰是花姐的愛股呀....當然強呢....
袋鼠兄,
問題係市場冇足夠demand去滿足投資需求, 借左錢就算想心想做實業, 都冇實業可以提供到足夠回報, 冇回報就算投資左都還唔到錢
假如強國要達到6-7%經濟增長目標, 需要投資十萬億+5%回報(亂咁估, 純比喻冇理據), 但係市場上唔存在一門生意可以食左呢十萬億投資又提供到5%回報, 結果係投資落邊一個行業, 果個行業立即產能過剩, 所以想攪實業都冇野好搞, 唯有整干炒牛河, 得個炒字
將軍,
4伯係咪大茶飯?
重生兄: 大戶兄等食大茶飯等到睡著了呢. 話時話4伯又點解呢???
大户兄....不要睡呀...好快易....幻易......
Jackyk,美股遺產稅問題,我之前問過。六萬美元以上,可用一間BVI公司持有就可以避開。不過我唔知條例有冇改變,你可再去問問律師。在香港銀行開美股戶口,要填一份W-8Ben表格顯示香港人身分,不用納capital gain tax,但股息要交稅。
爛渣有些驚喜.....要買呀....
【經濟日報專訊】有調查指逾7成受訪港人看跌樓價,惟部署置業的市民亦增,反映樓價已調整逾一成且「筍盤」逐漸被消化下,樓市陷膠着局面;後向還看就業變化,以及發展商會否減價去貨。
筍盤漸被消化 買賣拉鋸膠着
有銀行聯同大學進行調查,指有72%受訪市民,預計樓價將在未來12個月下跌,較去年首季的22%激增五成。有趣的是,市民雖普遍看淡樓價,但銀行方面指近期物業估價查詢有所增加,應意味部署入市的市民,正有所上升。此反映本港樓市,正陷入買賣拉鋸的膠着局面。
一方面,本港樓市自去年9月見頂後,至今已調整約一成多。在樓市調整初期,不少業主因看淡後市,願減價放售,造成市場有較多「筍盤」。惟經歷逾半年調整後,市場「筍盤」已被陸續消化,仍然持貨的賣家拒再大減,買家則覺得樓價仍高,未來還要調整,但難估再調整多少,對何時圓置業夢心情忐忑,令二手成交顯得冷清。
另一方面,過去幾年本港樓價調整,無論是2008年的金融海嘯,又或2010年港府首推樓控辣招,樓市從高位回調的幅度,亦僅一成左右。不少業主以至準買家皆認為,除非本港經濟急速轉壞,否則在資金氾濫、低息環境短期難變下,樓價見底之日雖未至,可能亦未必遠矣。
就業是否續穩 新盤會否劈價
正因如此,目前樓市買家與賣家,皆正等待市場出現變局。其中利率走勢對樓市的影響,料屬心理影響居多,因美國儲局加息仍步履蹣跚,且本港銀行「水浸」,近日便爆按息減價戰。相比之下,有兩個因素,對樓市走向影響更大。
一是本港經濟尤其就業。在樓控辣招攔阻外地買家下,本港樓市主要由本地需求驅動,特別是近年就業市場暢旺,增用家購買力。雖然本港1至3月的失業率,由3.3%升至3.4%,惟升幅仍輕微。若失業率不至大升,那本港樓市的購買力與購買意慾,亦未必大跌。二是發展商部署。近期一手新盤銷情冷熱不均,較為熱銷的,多是願意提供更多優惠,甚至低價開售的樓盤。隨着新盤供應不斷增加,發展商會否更進取促銷,以更吸引的價格誘因力爭買家垂青,甚至吸走二手市場客源,將直接影響二手樓價。
故對持貨待售的業主,又或籌謀入市的準買家而言,都要注視就業市場變化與發展商銷售部署,才能在樓市覓得最佳交易時機
為何我不能開BLOG?
又未到期結, 煲下劇先.....
等埋明天期結先
重生兄: 今日不是28號嗎??? 噢....原來是27, 搞錯左. 唔好意思....
將軍...睇韓劇多呢...奇結是明天喎....
今日期結啦, 大家準備好未呀???
bebe: 找到誰是凶手啦??? 快快講來聽聽.....
2016年04月26日 (06:08 PM)
Good morning.