變出個味來

如果話雞蛋仔屬香港街頭傳統小食，相信冇人會有異議。

以前，雞蛋仔祇有一種口味：咪雞蛋味囉！

不過，呢個世界係會變嘅，一成不變就好容易被淘汰架！相反，變時變，如果雞蛋仔變左唔係雞蛋仔，咁就冇意思啦！明明係附屬於一個國家嘅，偏偏要「獨立」，有咩嘢本錢、有咩嘢「把炮」至得架？齋talking？

雞蛋仔響近幾年不斷變身----不過祇係變左唔同味，唔同色，個樣依然！同樣地，—個人即使染金頭髪，滿口英文，紿终係中國人。呢樣野出世經已決定，不容否認。

我份人喜歡試新嘢。除左傳統口味之外，我試過芝麻味、蕃薯味、朱古力味...早前買左綠茶紅豆味：

我覺得一點不好吃，但價錢不便宜：傳統果種十四蚊一底，佢要廿五蚊喎！

尋日姪女食完早餐冇幾耐(佢中午十一時才出去食早餐)，又話想落街買雞蛋仔。佢問我想食咩嘢味？

我：「一定唔好買綠茶紅豆！蕃薯都唔差，朱古力太甜；咦，最近出左栗子味喎！」

結果，姪女買左咖啡、栗子味各一底！栗子味要$28，真係好貴呀！

咖啡有咖啡味(難道會有奶茶味咩？但係啲飲食節目主持人個個都係咁讚食物：雞有雞味、魚有魚味....)，姪女嫌佢咖啡味唔夠濃！

我：「你唔可以用你嘅標準嚟計，啱得你口味嘅，好多人會覺得苦架。」

姪女：「咁又係！」

不過，栗子味又整得好有誠意喎！除左整體上有栗子味之外，大約三份一底裡面有原粒栗子，好味！

好食就好食，不過廿八蚊底真係幾貴！而且，仲未係最貴果隻;最貴係三十蚊底嘅芝士味!所以話啫，肯試一樣可以試出個味來。