係政府唔做咩？

剛過去的星期天，一覺醒來，與姪女食完早餐，她便提議去行紅磡至尖沙咀嘅海濱花園。講真吖，佢起好咁耐，我都未試過行畢全程。姪女依家定左個目標，每天至少行一萬步喎！我志向低，我祇要求行五千步咋。我告知佢，我食得少，所以我唔駛咁高運動量，你響香港狂食，行二萬步一日都唔掂！仲成日買薯片食，行幾多都冇用啦！

那日以我來說，天氣很好，因為既冇太陽，亦冇下雨，祇是天色灰暗啲啫！不過，拍出來的照片較實景靚喎！

姪女邊行邊建議：阿CY應該響邊度邊度加啲咩嘢？

我：嘥氣啦！政府除左派錢(其實派錢都反對)，有邊樣嘢冇人反對架？我係政府就咩嘢都唔做，實行多做多錯、少做少錯、唔做冇錯！依家仲討論標準工時立法？就嚟工都冇得做，長嘆添！

文化中心裝修，要變新貌喎！恕我無知，呢隻係咩嘢嚟架？

尖沙咀碼頭富豪雪糕車：

慢慢咁行畢全程都唔駛四十五分鐘。祇不過中途冇洗手間，祇是紅磡碼頭起點有個公廁，行至尖沙咀嘅酒店、商場...，當然冇問題啦！