陸羽仁周記
陸羽仁周記
陸羽仁周記

捧波神 買股唔使急

2016/05/09 08:42:16 網誌分類: 經濟
09 May
        英超冠軍提前揭盅,李斯特城締造完美神話,奪得歷來首個聯賽桂冠,來屆相信不愁商場贊助。外國體育事業高度商業化,儼如是會生金蛋的鵝。

        有中環茶友在內地做體育用品生意,他坦言內地體育產業興趣,除了國產貨外,NIKE仍然深受大陸消費者歡迎,同一時間他還留意到簽了NBA球STEVENCURRY星UnderArmour(UA),都冒起甚速,心思思想落注買佢隻股票。

        UA首季表現平平

        茶友係行內人,佢對「咖喱仔」前途大為看好,認為其三分區投射神技無人能及,將是米高佐敦後另一神話,認為UA能夠簽到佢,前景無可限量。佢仲話,自從這位人氣王做了代言後,粉絲人數急升,波鞋銷量勢如破竹,分分鐘有機會成為下一間Nike。

        茶友係球迷唔係股迷,見UA到網羅到超級巨星非常興奮,心郁郁想投資。陸羽仁見佢咁猴急,於是幫佢翻一翻資料,發覺在美國上市的UA去年的股價與「咖喱仔」同樣神奇,過去幾年股價已經爆升咗幾倍。

        維珍妮超盈早被「炒爆」

        今年第一季,巨型體育股adidas公佈業績相當靚仔,市場估計UA表現唔會差過佢,但股價首季表現平平,主要係過去兩三年股價已經升得好急。同佢有關嘅本港上市公司包括維珍妮(2199)與超盈(2111),股價早被聰明錢「炒爆」。

        維珍妮去年10月上市,公司自我介紹是全球領先的貼身內衣公司,透過創新設計製造商(innovativedesignmanufacturer,「IDM」)業務模式,同為全球領先的品牌創新、設計與製造一系列的貼身內衣和功能性運動類產品,當時招股價5.6元。

        由於業務獨特,維珍妮頗受市場鍾愛,之後最高升過去13.26元,上周收報11.36元。另一隻超盈,業務提供一站式解決方案的女性內衣物料供應商,亦可以留意一下。維珍妮上周五收報11.36元,跌咗0.34元,跌幅2.9%;超盈則收報4.6元,下跌0.25元,跌幅為5.15%。

        美食當前且忘跌市

        股市上上落落,炒股唔易賺,好易蝕埋使費,呢個時候不如精明消費。呢個星期去咗置地廣場嘅米芝蓮星級食肆歎午飯。呢間名店午、晚收費相差接近十倍,中午光顧絕對符合精明消費之道,就算只係訂到吧枱,都欣然即興入座。

        小小沙律多多心思

        當日一齊出席的女士話素食,我則學蔡瀾所講,未能食素。女士之頭盤用豆蓉磨碎墊底的沙律,小小一盤已經有十多種新鮮蔬菜,甚有心思。主菜雖然係齋,但用日本米烹煮的芝士飯,賣相絕不單調,加了番紅花的奶油,味道清淡中透出奶香。

        經理介紹試法國燒鴿,用慢煮方式炮製,但座中幾個茶友都話對慢煮評價一般,覺得肉質太腍,不及傳統煮法有口感,改為試了借用天婦羅炸香的深海魚塊,魚身軟腍,幾乎入口即溶,反而討好。

        深海魚入口即溶

        呢排個市咁悶,需要增加糖份,最好有朱古力甜品,增加大腦分泌,提高歡愉感覺,成架餐車嘅甜品琳瑯滿目,睇到眼花,跟住再來一杯靚啡。好彩之前揸貨唔重,係有美食補償下,就算個市周五跌到兩萬點邊,暫時都唔理得咁多啦!

        陸羽仁

        
回應 (0)
我要發表
user