你點睇？

辦公室是工作地方，惟部分人「公器私用」。有網民指同事返工第一件事是化粧，疑因此收警告信。有人力顧問料化粧屬導火綫，警告或與表現欠佳有關。另有顧問建議如發現下屬辦公時間做私事，宜加以引導，因事事禁易惹反感。

女士們愛扮靚無可厚非，但把辦公室當化粧間或惹人側目。有網民指一位女同事常在公司忘形化粧，「佢返工第一件事唔係開電腦，而係補下粧、畫下眼綫咁，每朝起碼搞15分鐘。」這位女生疑因此惹老闆不滿，結果收警告信，公司講明「如有再犯，即時炒魷」。

有網民指公司曾有畢業生上班首兩星期常遲到15至20分鐘，後來被女老闆發現她返工前總躲在廁所化粧，被教訓一頓後黯然辭職。另有人留言撑化粧有理，指樣子太「烏歪」會失禮。(我都同意。事實上，我在江湖行走幾十年，打從返寫字樓工開始便有化妝：基本上塗粉、畫眉、胭脂、唇膏少不了。但我一定會在出門口前做齊，返工前亦預了化妝及塞車時間。我從來不需要在寫字樓化妝，更從未因化妝上班而遲到！)所以，要在上班後、用辦工時間化妝，點講都講唔通。)

於座位脫鞋 身邊同事呻有臭味

獵頭公司Core Search董事總經理張慧敏未聞員工因化粧遭警告，估計化粧僅是導火綫，實際是工作表現或態度欠佳(Yea！如果員工認為不應用私人時間執靚個樣返工，有咁嘅思想嘅人、佢做事有幾盡責可想而知！)。部分年輕人愛擁自己工作空間，上司要理解。「有些人擺到成枱是化粧品，公仔掛到像幼稚園班房，上司多是勸喻，若動輒說這不可，只會傷感情。」

但張慧敏指，過去確有僱主反映員工儀容問題，例如有女同事的香水味太濃(間中乘電梯臭倒有女士塗上濃烈香水時，都幾難頂---好彩我識得潛水啫，真係要閉氣成分鐘架)。「亦有男同事常在座位脫鞋，周邊同事呻有臭味。」她提醒上述情況有礙觀瞻，如客人到訪，便有損公司形象。

打工仔求方便 當辦公室如屋企

盈力僱員服務顧問高級經理吳慧琪指，部分打工仔為方便自己，當辦公室如屋企。「曾有員工趁午飯時間，鋪瑜伽席小睡，但常『瞓過龍』，要其他同事叫醒佢，惹來投訴。」亦有經理反映有同事工作時「失蹤」近1小時去做gym，或午膳時間去購物完，將會議室當試身室，令經理困惑，不知如何處理。(唔緊要啦！過多幾年，做上司果啲就係依家果啲下屬----當辦公室係屋企，亦變成文化咯)

吳慧琪建議，僱主宜先了解這是個別事件或是公司文化，而員工這樣做對業績或其他同事情緒有否影響，然後再跟涉事員工傾談。「如有這些客觀數據，可讓對方知道你是對事非對人。」同時可適當地出通告，規範員工在公司的行為，令鬆散的事變得制度化。

我問姪女，佢響上海工作時，女同事有沒有化妝上班？據佢講：一般無需要對外嘅同事，大部份都冇化妝。不過，即使要化妝，都是員工自己覺得有此需要、而不是公司規定。既然不是公司規定，更加冇理由要將化妝此行為合法化，用辦公時間處理！

依家很多時乘搭巴士，見不少年輕女士在車上化妝，真令旁人側目---冇人教佢地呢啲嘢唔應該響公眾場所做嘅咩？不過，算罷啦！依家響公眾場所，不時都見倒啲唔應該見嘅嘢架啦，惟有怨自己時運低囉。