皇家太平洋酒店自助餐

2016/05/16 08:24:16 網誌分類: 講飲講食
16 May

姪女返美前,在我家逗留了個半月,尋日中午離港。平時佢每次從上海回港逗留幾天,都祇帶一個至兩個喼,今次走有一個大喼、一個細喼加一件手提行理與一個大手袋。

尋日早餐時,姪女一直諗緊駛唔駛搭的士?我見佢咁多嘢,便自告奮勇,陪佢去機場。後來佢將個大手袋塞左入件手提行理度,便說:得三件嘢,我應該攪得掂!

往日我會送佢上巴士,去到機場有行理車,佢覺得冇問題。佢老豆會架車往三藩市機場接佢,所以祇要佢上左飛機就冇問題。

我:「雖然你將四件物件變成三件,但係重量唔會變!我一於陪你去機場啦,反正依家中午時份啫,咪當我遊車河囉!」雖然送君千里,終須一別!

結果證明我呢個決定係啱嘅,因為去到機場,由入口處行,到寄倉柜位都搵唔倒行理車!姪女亦覺得佢個大喼好重。

佢入左閘後,我行去搭E車回家。在站頭有位男士同我講:「我有三件行理,剛才架E車唔俾我上車,你可唔可以當同我一齊,認領一件行理呀?」

我當時第一個諗法係:冇理由吖!我同姪女嚟果陣都係咁多嘢,冇問題呀!再者,佢會唔會拎住違禁品?咁我咪有可能做左幫兇?

回心一諗:我同姪女加埋係兩個人,佢得一個人;可能巴士公司真係有規定每位乘客所擕行理數目(如果係咁,假設我冇陪姪女去機場,佢都會有同樣遭遇),而且,如果佢所擕物品有問題,亦過唔倒海關啦!

既然諗通左,於是就應承佢,仲幫佢拎啲行理上車。

前晚同姪女去皇家太平洋酒店柏景餐廳食自助餐。又係自餐廳?愿諒吓啦!有排都唔會食啦,而且,姪女走後,我呢個月盡可能自煮,食番清淡啲。

餐廳入口處,仍放著母親節我擺設:

餐廳頗寬敞,食物餐檯很多。我們被安排坐在餐廳最入處,在甜品柜檯附近,其他主食要行至餐廳近門入口處,來來回回取食,都有大量運動:(姪女與我每天計著步行數量---佢要求每天一萬步,我祇要五千步便達標;因為佢食量大,我食量少囉!

雞粥:

雪梨燉螺頭:

沙律菜、羊架:羊架是我近幾次食自助餐中,整得最好食的:稔得嚟唔「梅」,亦有羊味!羊梗係有羊味啦,難道有牛味咩?你錯啦,我試過食羊架,冇羊味架!

相比起羊架,牛扒就比下去啦:

因為好食,所以添食羊架;仲有西班牙火腿:

蟹肉紅菜頭汁:我唔喜歡飲紅菜頭汁,因為草青味太濃!但酒店今次又整得好好食喎:

香煎鵝肝:唔係度度有得食架,梗係要試啦:

姪女食嘅牛百頁:真得意!佢唔食內臟,但係食牛百頁。

 

Movenpick雪糕,我鍾意呀!

六種味道,我食左四種:

海鮮我食左龍蝦、大蝦、蚌、瀨尿蝦、翡翠螺、日本蟹,麵包蟹,煙三文魚。最好食係大蝦,最差係龍蝦(好咸、亦有龍蝦味):果啲唔記得影相!好奇怪:我見人人都拎倒龍蝦,但係我每次出去(好遠嘅門口果度)連半隻龍蝦都見唔倒!呢啲咪叫做近廚得食囉,我地坐得遠,咩嘢都執輸!好彩唔食龍蝦都冇損失。

以下呢啲有得睇、冇得食!係放響門口飾柜嘅蛋糕:

呢個自助餐正價$598,用「開飯網」優惠劵八折!埋單時始知原來匯豐咭有七折。我相信要係白金咭或者卓越理財才可享七折。

其實仲有好多食物我地冇食!所以食物唔需要多,好食就得啦,任你食、又食得幾多吖!今次揀啲貴嘢嚟食,總算回倒本。

回應 (0)
我要發表
user