冇品皇室

欠人錢債萬千千

最叻靠度搭沉船

未曾深交𢲷爛腳

唱衰背後咒行前

近日北列癲傳來一則新聞、揭露去年阿爺帶同着一張價值三千七百五十億両銀前去拜訪事頭婆期間、雖然獲得主人家以世紀隆重儀式歡迎和款待、但原來背後係另外一個樣的。據說阿爺出訪前、天朝曾向北列癲要求容許隨行保鏢佩槍、以及禁止當地龍裔人士示威、結果被拒絕。在歡迎儀式中、一名據稱是隨行翻譯員（北列癲稱之為保鏢）要跟隨阿爺登上事頭婆嘅金馬車時、亦遭對方保安人員阻止、而且曾經發生爭執。在幾日前、事頭婆在某個場合中遇上當日負責保安嘅女指揮官墮爾西時、兩人重談當日事件。誰知一向被視為慎言嘅事頭婆居然用“認真冇引”去形容當時情況、並指天朝官員對她的大使亦是非常無禮貌。當這段對話經媒體曝光之後、立即在國際上引起一陣嘩然。

呢嗱、身為一國之君居然行前講後、自然會被人話冇風度、但亦有人話天朝官員一朝得志語無倫次。莫講話非我族類群起嘲諷、就算係部份身體內流着龍血嘅家伙、亦只憑道聽途說就判定天朝是一個粗魯的暴發戶。但問題係、究竟事頭婆所謂、天朝官員對其大使非常無禮貌、是不是與天朝外交官員向其大使提出上述兩項要求有關嘅呢？如果係嘅話、就確實令人費解。事關無論人家提出怎樣要求、但下決定嘅係主人家。這叫商量吖嘛！試問又點算得上係冇禮貌嘅呢？依我睇、可能是彼此之間嘅文化背景和價值觀有所差異、而引發起一些誤會。之但係、我就記得曾經有報導指出、在大歸儀式之中、正當江老爺帶領數名官員步出主席台時、居然被某人譏諷是一群嚇人嘅舊蠟像走向前台。講這句話嘅人並非別人、佢就係那位將下屬之妻據為己有嘅北列癲主禮嘉賓、事頭婆嘅寶貝仔、威乳豬親王。身為一國儲君、居然在這個嚴肅場合裡面講出這種粗鄙嘅說話、豈不是狗口長不出象牙？坦白講、世上最可笑嘅人、莫過於那種外表高貴、內裡閉翳嘅家伙矣！