高清年代
2008/01/04 22:06:55 網誌分類: 謬論論謬
2008年,香港進入了高清年代,
究竟高清係乜,真係唔知?
淨係知道英文叫HD—High Defination
淨係知道要買部機頂盒,千零弍千蚊,
淨係知道要買部十六比九嘅Hi-Den電視,
淨係知道要裝過高清天線,可能要夾錢。
高清即係高度清洗荷包。
還好,還未殺到嚟老鼠區。
聽講話,高清好清,
冇雪花,冇鬼影。
但,同時,
也高度清解藝人的真面目,
鄒紋、暗瘡、魚尾紋、電車軌、
粗粒、黑頭、大毛孔、煙屎牙........
等等、等等、等等。
盡在眼底,纖亳畢現。
原來,高清即是顯像管,顯微鏡。
咁,高清好咩!!!
諗深一層,若人有
高清之心、清高之格,
又唔錯丫.......
完全同意佩妮所講!
我連做人,都寧願隻眼開隻眼閉, 何況睇電視呢?
看高清,要看到藝人的真面目,鄒紋、暗瘡、魚尾紋、電車軌、粗粒、黑頭、大毛孔、煙屎牙........
我寧願不看高清~
對他們是殘酷,對我們是虐待..