雪梨龍脷葉雞腳湯

呢個湯係早前我響灣仔「榮興小廚」飲過嘅湯，覺得唔錯，一於東施效顰！

不過，我都唔係完全抄襲架----佢地係燉，我係煲；佢用新鮮雪梨，我用雪梨干，仲加左南北杏添！

材料：

新鮮龍脷葉二兩洗淨

南北杏半碗

雪梨干一湯碗略洗

雞腳十隻飛水

豬展/瘦肉切件飛水

果皮一角浸軟

煲滾適量水，下所有材料煲滾，收細火煲兩小時。

註：此湯有化痰止咳之效。新鮮龍脷葉在街市花檔有售。