誰更擾民？

全國人大委員長張德江訪港三日，以《蘋果日報》、《明報》為首的黃媒對張此行大肆批評，不僅對歡迎張德江的市民視而不見，更故意採訪「黃民」藉此攻擊張「擾民」。(何止！毒電台啲主持人一樣朝朝講)

黃媒《蘋果日報》引述多名商戶指，張德江訪港期間生意大跌一半，當中以下午茶時段最受影響。他估計每日下午茶損失約2000元，直言張「最好唔好嚟啦」；有商戶更要求政府補貼商戶損失。一眾打工仔亦因封路遲到，批張德江訪港之行極度擾民。有網民更諷刺地指，「今次有時間同金錢損失，我哋係咪可以向警方追究責任同追討損失？」

如果說張德江來港三日已「極度擾民」，打工仔因封路遲到，商戶生意大受影響，甚至要求政府補貼！那麼佔中79日又造成多少損失？多少打工仔因佔中阻路而遲到？有多少商戶因佔中而生意大跌，甚至執笠？又有誰可以補償他們？一眾佔中搞手及壹傳媒集團前主席黎智英等人至今仍未為佔中「埋單」，借用網民的一句說話：「佔中造成的時間同金錢損失，我哋係咪可以向佔中搞手追究責任同追討損失？」

------------------------------------------------------------

想當年，港督咪一樣經常出巡做「騷」(彭定康特別多)，果陣啲路咪一樣去到邊、封到邊！何解英政府做冇人批評，反而批評擁有香港特別行政區主權嘅中國領導人？中國領導人好日都唔來港啦，你估佢地好想見倒班「飯民」咩？不過，如果唔嚟，又有人話佢地唔肯溝通架啦！呢啲咪叫做「神又佢、鬼又係佢」囉！

好吖！要申索嘅，大家一齊吖----睇吓邊方賠得多啲吖？我都好想睇吓個官判得公唔公平囉！果班嘢毀壞不少政府公物，至今都似乎都係不了了之喎！