只許見花叔不准見紅爺

護花反紅又一功

反紅反轉地頭蟲

此子廢能兼異相

兩筒鼻涕送春風

香梗中箭坐館四維聰禮拜日前跑到銅鑼灣口水神壇上香、只見佢口牙閘閘念念有詞、不過聽來聽去都唔知佢噏乜。但當佢咒人嗰陣時、就忽然變得口齒靈利起來。佢話泛㒼四人代表在“講人異志”被踐踏之際、私底下跑到德叔面前、仲衰到連凳仔都有張、要企喺度念急口令、簡直係丟晒同道嘅假。四維聰還以譏諷語氣指出、德叔接見泛㒼代表並唔係如涼茶杰所講、中央確認佢哋嘅「憲制」地位、而係確立佢哋嘅「獻世」地位至啱。他強調只有得到阿美妮娟之神庇佑、才能夠發動群眾力量推倒紅牆、擺脫唇齒角色、實踐講人獨蠟嘅主體性。

呢嗱、如果呢單嘢唔係搞成咁都唔知到、原來反派嘅宗旨係、只許見花叔、不准見紅爺嘅。我唔係亂噏架、近日本土幫猛將良爽琦和開年仰與花大叔代表見面密斟之後、再飛去天竺與撞獨老祖撒賴那媽密斟。去年大書生會派代表跑到北列癲國會要求重啟「男經條約」、企圖將紫荊城恢復為北列癲殖民地。痴瘋為答謝花大叔捧佢上世界第十號美男子之位、便跑去金山朝聖、繼而在當地多家大教館數臭紫荊城、回來後又再飛去寶島與抬獨高層進行密斟。總言之為咗反紅大業、講獨組織無所不為。依我在坊間所見、原來反紅反得最厲害嘅人大多數都是椰子孫、即係非本土出生嘅大鄉里、而土生仔雖然亦有人從事反紅活動、但在情緒和手法上卻不及椰子孫那麼激。這大概土生仔對中土認識唔多、亦冇感情上和利益上嘅瓜葛之故。由其是那些日日夜夜都想着以紫荊城為踏腳石而移民番邦嘅椰子孫、更加想獲得花大叔以政治難民身份收容佢哋、所以咪搏到盡囉！但可惜吖、以花大叔為首嘅「吱八」為咗一枚烏黑蘭而趕走咗隻沙鵝之後只剩番「吱七」。如果唔係嘅話、就可以合成「吱八」、重尋百年前八國聯軍踩入中土分豬肉咁分嘅舊夢。到時喇喎、嗰啲曾立大功嘅反紅人物就可以在各個番邦旗下撈份「看更」來做、好彩嘅話、仲可以過埋底做三等公民、咁都算得上係光宗耀祖喇啩！