【撐小店】

2016/05/30 13:13:24 網誌分類: 時事
30 May

【撐小店】63歲退休太太蝕開素店:想為社會做好事

撰文︰丁蓓 攝影︰何韋

 

 

是世道艱難?還是時代在轉?老街翻新。老店淹沒。紙書淘汰。

老行尊,一位位失業。

今天我們看到的是自己。昨天,她已經歷過。

「冇得做,就學吓嘢囉!去工聯會學,又去人哋齋舖打工,後來在屋企附近塊田種吓菜。」

Helen90年代後期製衣業被淘汰後,於43歲被迫提早「退休」。


說是退休,又其實一直打散工。兒女大了,經濟負擔不算大,竟在63歲之年,「有自唔在攞苦嚟辛」和幾個志同道合朋友開餐廳。

「出街食真係好恐怖,蛋是激素,牛吃止痛藥,就連水也不一定乾淨。身邊好多朋友不是糖尿就是Cancer。人一世物一世,我只想做一間健康的餐廳!」Helen

 

甚麼是小店?打開餐牌就明白了。菜式相片平凡 ,印刷也普通。不過,食材卻認真。

乳化劑、穩定劑、醋精、油酸、膠原蛋白等,凡有動物成分的食品添加劑都不能入門。這是一家純素店,即是連蛋及奶都不會用到,再加五十種不能涉及的食物原材料。我不禁懷疑,有可能嗎

 

「係好難㗎!我哋連水都係用過濾兩次的水、沒有反式脂肪兼貴成倍的橄欖油,就算蝕都唔將就。好在大廚有相同理念,我哋都好尊重佢。」Helen說。

她說的大廚,是Sunny哥。七十年代已在半島GaddisChelsa等高級西餐廳打滾,還做過Nicholini's副總廚。難怪這小小素食館,有這麼多精緻菜式,松子仁香草醬意大利粉、自家製意式鱈魚雲吞配黑松露汁、焗肉桂蘋果卷等

 

那松露是真的下了松露片,松露油香也滿滿。「咁多成分唔食得,邊有得嗌貨,連雲吞皮都係自己整的!用意大利松露油、雲南黑松露片。」Sunny說。

Sunny用慣精品貨,定價不能太低。「我睇網上留言,話我哋茶餐廳檔次,西餐的價錢!你覺得呢?」Helen

 

香港人是這樣的,寧願俾錢吃服務吃環境,都不相信錢在食物中。一個意粉$68,會太貴?沒有漂亮的裝潢,沒有專業的餐牌,也沒有年輕力壯的員工,這代表一碟餸,至少有五成用在食材成本上。事實上,意粉有咬口,調味亦夠香,就是公司三文治吃下去也不會若有所失,味道和真正有肉一樣充實。甜品尤其感動,有機椰子油做的素糕(即是沒蛋的蛋糕)、花兩年才做到猶如真芝士蛋糕的淮山腰果糕等

 

味道有水準,又健康,怎會是貴?是抵!「我是信佛,但開這間餐廳不為信仰,是為健康,我68歲啦,見到身邊朋友一個一個咁走,很想做番一點事。就嚟傾續約,捱到就捱,捱唔到都諗住轉中央廚房。」Helen就是如此堅定。

說罷她給我下午茶套餐拍攝。我請攝影師,一定要拍漂亮一點。向來都是相呃人,這次我希望相能拍出價錢和餐牌傳達不到的美味和用心

 

 

 

寶田源純素餐廳
地址:荃灣大河道77-89號寶成樓地下9號舖
電話:26222817
營業時間:星期一至日11:30am-10pm
網址: www.facebook.com/greenfreshvega

回應 (0)
我要發表
user