生日
2008/01/06 16:01:16 網誌分類: 生活點滴
昨日,是囝囝生日;
明日,是大囡囡生日,
所以,今天,一齊在家中慶祝。
多年前,老鼠仔到了這天,總會問:
「我生日先過姐姐,應該大過姐姐?」
今天,他不用問了,
在老伴的疼容下,
這小子已變成家中的特首兼財司了。
昨天,post 了兩首歌,
一首給大囡,因為今年要嫁了,
另一首給囝囝,因為今年仍在努力中,
這老鼠女由開始至今都冇揀過,
一就一,二又係一,
算吧!即使我和老伴都唔多 like,
佢自己揀,唔算都要算.......
老鼠仔與她相比,剛好相反;
入情埸以來,年年生日身邊果個都唔同,
不要以為小子花心,
次次喊到乙乙聲,之後就屢敗屢戰,
簡單說,似老豆,嘻嘻。
話就話,今年這個女友不差,
又係叫 Candy,OK 架,
當然同這裡的 Candy姐比,
還差小小。
大個啦!仔女大仔女世界。
這幾年生日,正日都係唔同家人一齊,
所以一定在一月六日慶祝。
二囡生日在二月,鼠王我在三月,
老伴在四月。唉!真煩。
鼠兄,你寫這篇網誌時,定是一邊寫一邊甜絲絲。 好溫馨啊!一家人的生日接二連三的到臨; 而大女兒,又就快結婚~ 你這個未來外父,一定笑到合不攏咀啦!哈哈!
能一家人圍在一起慶祝生日, 絕對是一件幸福事情啊! 真要拍照留念,好好留住這刻感覺。
真的要向你大囡囡和囝囝,說一句 " Happy Birthday" !
你二囡囡..,二月幾多號呀? 會不會和我同一日呢?
如果是的話,我們咪係 ......~
有料老鼠 :
哈哈! 真是喜氣洋洋,我爸爸明天生日,恭喜鼠家各位 :
~生日快樂! 身體健康!~
我同我阿哥嘅生日係差一日,佢係9月7號,而我就係8號,
我哋細個通常都係梅花間竹咁慶祝,即今年佢正日,出年我正日咁..
到大D嘅時候就索性做舊曆唔做新曆,因為差成個月!
咁我屋企由嗰陣到而家都係做舊曆嘅生日,而新曆呢?
留番俾我哋同D fd 一齊囉!
子女們的選擇,作為父母的,
已經從旁提點過,他們肯接納,能聽入耳,便算了;
他們不肯聽,只得好好『祝福』他們
信任子女們的『眼光』,信任自己的『基因』