死亡之吻
2008/01/06 19:44:09
網誌分類:
時事
馬路之上，真的甚麼事也可發生。
一對情侶，在紅磡碼頭對開巴士站處激吻，本來沒甚麼，但忽然有架車撞過來，男友即刻轉身，擋在女友前面，甘做人肉泵把，結果重傷危殆，女友也受傷，但傷勢輕得多了。
多麼浪漫淒美的一刻！
嘴巴還在緊貼著，舌頭還在纏綿著，忽爾口中一甜，一股熱血從他的喉頭湧來，張開眼睛，看到他那痛苦但溫柔的眼神，似有千言萬語，卻已來不及再說片言隻字，噢～～
幻想完畢……
剩係咀都要被車撞，如果係#$%^#同埋^%$#^，咪豈不是要被飛機撞？呢個故事教訓大家：
「千祈咪車震呀！！！！！」
其實，我真係有諗過介紹Ｄ好野畀阿燊，等佢可以激吻啦，車震啦，又攬又錫啦，諸如此類啦，不過，唉……介紹畀佢，又怕害左佢，更怕害左個女仔，好難搞～～
有個幾好架，人仔細細，纖纖瘦瘦，係就係年紀大過阿燊，當年小龍女都大過楊過啦，勝在人品好丫嘛，佢叫「CC」，不過，無謂害左CC啦……
有個又幾好架，雖然多愁善感得滯，無啦啦會「棄去我者昨日之日不可留」果Ｄ呢，但換個角度睇，呢Ｄ咪就係少女情懷咯，佢叫「車厘茄」，不過，無謂害左車厘茄啦……
有個都幾好架，又唔會多愁善感，又細過阿燊，係就係有Ｄ肥肥地，但勝在皮膚好丫嘛，兼且人又單純，真係純到呢～雖然佢成日叫人還債，但又唔使還錢既，還豬就得咯，幾好呀，佢叫「小奇」，不過，無謂害左阿燊……
有個直頭perfect呀，好有明星相架，成個大明星咁款，真係勁似林阿珍，仲要係「人妻」添，話唔定阿燊有呢種癖好架嘛，係咪？佢叫「之之」，不過，無謂害左之之啦……
揀無可揀，唯有佢啦，都ＯＫ架，係就係個躉大Ｄ，豪華臀，但老人家話大躉好生養，生夠一隊足球隊都仲得呀真係，兼且夠晒好恰，只有阿燊蝦佢，佢唔會蝦到阿燊，雖然人地有固定男友，但阿燊話晒冒尖，有得fight喎，佢叫「＄＄」，不過，無謂害左＄＄啦……
唉，所以話呢，要做雞仔媒人，真係一Ｄ都唔易……
你可唔可以唔好「畫公仔畫出腸」唧～～
唉……
為什麼要在巴士站浪漫呢? 涼薄都要說一句，[抵死]。
係海邊或者山頂都可以浪漫啦! 怎麼要揀在馬路上呢? 真係要講句"抵死"