有口話人

「犯民」經常揶揄建制派以「蛇齋餅粽」吸引選民，但以我多年地區工作所見，以這種方法吸引、或者接觸街坊/選民又豈獨是建制派，「犯民」做地區工作的議員一樣做緊同樣事----可能「上樑不知下樑事」，才會以此向敵方挑機！

不過，以一個街坊/選民來說，此事有何不妥？母親節派花、端午節派粽、中秋節派月餅....好正常啫！剛過去嘅母親節，我都見倒「一舊雲」響街派花啦！難道「犯民」不食人間煙火，淨係靠收「黑金」渡日咩？吸唔倒選票、當唔上議員，仲邊度有「黑金」送上門？

今個星期便是端午節，當然不同黨派都會爭取機會(有藉口)接觸街坊。做咩嘢好？梗係派粽(或者加埋個人介紹單張)啦，淨係派單張有幾多人會收？而且，仲有幾個月便是「垃圾會選舉」，依家唔宣傳、更待何時？君不見全港不少大型廣告地點都忽然間掛上大大個人像咩？雖然佢地冇講明自己參選(因為唔講得：講左就要計入選舉經費！未選經已爆煲)，明眼人一睇就知發生咩嘢事啦。

派還派，雖然係免費，但係食得落肚嘅嘢最緊要安全(唔理你係咩嘢派黨)。但係，你睇吓：(我仲以為係垃圾站嚟)`

不少區議員在端午節臨近會向街坊派粽以表關懷，經常批評建制派蛇齋餅粽的泛民，有口話人無口話自己，有街坊昨日就向文匯報爆料，指「傘兵」徐子見、公民黨的黎志強及工黨的麥德正等3名東區區議員，在屋邨空地包粽，擬準備向當區居民派發。但街坊最擔心的是他們露天包粽，又使用疑似「垃圾桶」來洗米，會令食物衛生質素欠佳，有可能會累街坊食物中毒。

記者翻查徐子見及黎志強的Facebook發現，他們確於前日在戶外鋪滿粽葉、糯米、鹹蛋等食材，更以印有「興華（二邨）屋邨管理諮詢委員會」的膠桶盛載，有義工以水喉取水，以及用明火「烚粽」。

食環署指，倘有關人等製作的粽是向外銷售，就需要領取臨時食物製造廠牌照，及受牌照條例監管。如果這些粽只是自己食用或免費派發，就不屬於食環署的職責範圍，只會密切關注情況。(咁樣講法，大家以後仲敢唔敢接受呢類食得落肚嘅嘢呢？)