陸羽仁
陸羽仁
陸羽仁

按紀律買股

2016/06/08 11:32:58 網誌分類: 經濟
08 Jun

歐亞股市造好,受到外圍帶動,加上油價繼續反彈,美股早段向上,杜指一度升穿18000點,但尾市回順,接近下方收場,杜指微升18點,收報17938點;標普500指數微升3點,收報2112點;納指微跌7點至4962點。

 

美國7月期油持續反彈,昨日再升1.4%至每桶50.36美元,係去年721日以來首次收於50美元上方。能源股成為支撐大市的主要動力,杜瓊斯能源指數升2.1%,其中Chevron2.1%Exxon Mobil1.5%係表現最好的兩隻杜指成份股,高盛係杜指中表現最差,跌1.9%。美國加息預期大幅下降,對銀行的利息收入,自然受到打擊。

 

CNBC主持人Jim Cramer昨日在節目中提到買股的紀律問題,值得分享。佢認為買股票,嚴守規律至為重要,因為當你買的股份出現狀況或者整體市場出現變化的時候,跟著投資紀律,可以防止你做出錯誤的判斷。而錯誤隨時會帶給你好大的損失。 Cramer認為投資者的組合內應該包括幾隻高質素的股票,當見到這些股票的股價顯著下跌後,便要買入,只有這樣,你的平均成本就會下降,盈利才會上升。 他說最常聽到投資者問的問題是,手上的股票大跌,點辦?他的第一個反應會問該投資者當初為什麼會買這些股票。為什麼要這樣問?原因這是關於一個最基本的買股守則,就是不能夠將炒賣變成投資,這是兩個完全不同的概念,一定要謹記。

 

如果當初你買這隻股票的動機是投資,即係話,你分析了那隻是有實力的好股,便應該在股價顯著下跌後買得更多;相反地,如果原意是炒賣,意思就是你其實是在等一個特殊的事件出現,博該股票會炒上獲利,你只應該買一次。所以,不要愚弄自己了,你睇錯咗,令股價升的事件無出現,隻股票唔得,你就應該馬上止蝕。當然,有些時候,某些原本炒賣的股票也有機會可以變成投資,但大部分情況都係你會企錯位。

 

另外,Cramer又指出,當市場出現較大調整,好多人根本沒有做好準備。大部份人見到市場興旺,覺得可以賺錢,就入市買股票,但卻沒有預備當市況逆轉時,會做些什麼?當大市出現調整,他們又覺得是壞事,要遠離股市。Cramer認為這是一個很大的錯誤,因為市場調整時常發生,特別是在股市大升之後,所以投資者應該對大市會回調做好心理準備。

 

另一個經常出現的錯誤,係投資者甚至有些基金經理,認為應該在所有時間將所有的資金投入市場。Cramer認為這是一個大謬誤。當市場出現調整,手持現金係保護投資組合的關鍵,事實上,市場狀況很差的時候,除了手持現金以外,你做不了什麼。Cramer認為應該時刻都要手持部份現金,當市場接近危險高位的時候,現金係最好的對沖工具。所以,當股市升到一定的高位時,都要應該要賣出一些股票套回現金,在市弱時買入,在市旺時賣出。

 

要切記不要以為手上的高質股的股價唔會再上而賣掉了,手上反而留著弱勢股。這是最大的錯誤!

 

陸羽仁

 

 

回應 (22)
我要發表
陸羽仁
陸羽仁 2016/06/10 10:29:09 回覆

Andy188: 若手上貨有錢賺,減啲都好,美股近高位,有啲位高勢危。

子龍 (kaka就是大叔的契哥)
子龍 (kaka就是大叔的契哥) 2016/06/10 09:12:05 回覆

噢...TC主席大人+27, 大叔又打回原形, 成績是-5 {#iconb_268}

animal666
animal666 2016/06/10 06:19:13 回覆

TVB長陣痛期
2016年06月10日

  港股因為端午節假期休市一天。假期前恒指交投回落,在買意不足下,大市終止四連升,恒指收報21297點,跌30點;國企指數收報9027點,漲23點,成交金額563億元。

  跟住美股上日開市早段向上,杜指升穿18000點,杜指升66點收報18005點,相信係受惠美國經濟維持增長,加上息口上升動力暫時唔強,呢排油價持續好轉,美國7月期油再破關升至每桶50.36美元,係去年7月21日以來首次收於50美元上方。能源股成為支撐大市的主要動力,杜瓊斯能源指數升2.1%,

  假前港股最養眼係借紐約期油攀升造好的三桶油。中海油(883) 股價及相關新聞 升1.88%造9.75元;中石化(386) 股價及相關新聞 升2.54%造5.65元;中石油(857) 股價及相關新聞 彈2.33%造5.72元,三桶油更搶佔藍籌升幅頭三位;中海油服(2883) 股價及相關新聞 升2.7%造6.86元。

  假期前,通訊局公佈,已批准電視廣播(511) 股價及相關新聞 股權結構變動申請。是次申請涉及持有26%電視廣播股權的Young Lion Holdings Limited(YLH)之內部股權變動。在2011年時,「殼王」陳國強、HTC創辦人王雪紅聯同美資基金Providence Equity Partners,透過合資公司Young Lion Holdings Limited入股電視廣播(TVB)26%,成為TVB單一大股東。

  黎瑞剛入股唔見四成幾

  TVB宣佈,通訊局已批准YLH股權變動,即其中一個股東Providence Equity Partners沽清所持的YLH股份離場,惟無披露作價,而陳國強仍是持有26%TVB股份的YLH公司的最終表決控股人。

  消息指,Providence Equity Partners已把股份轉讓予華人文化控股集團董事長黎瑞剛。黎瑞剛買入YLH股份後,保留陳國強作為YLH公司的最終表決控股人,皆因黎瑞剛不是本地人,有關安排只為爭取通訊局通過,如今成功過關。

  黎瑞剛係內地媒體教父,確認入股TVB,散戶又係咪跟得過呢?答案未必一定,因為投資有長有短,黎瑞剛接貨係從戰略角度睇,諗住有所作為,同小股東買股做被動投資者好唔同。黎瑞剛在去年四月入股,並無公佈作價,當時TVB股價大約47元,之後炒上49元高位,接着反覆回落,如今得返26元,以黎瑞剛估計入股價47元左右計,如今大跌45%!表面睇都幾傷。

  TVB股價由高位回落,𠵱家主要靠息率撐住,不過,未來TVB要面對雙重考驗,一係經濟大環境不濟,影響媒體生意;仲有係媒體生態大變,傳統用大氣電波放送的免費電視,唔再處於有利的王者平台位置,觀眾備受網視搶客衝擊。

  面對電視生態大變,TVB今年起大膽變革,甚至採用咗近乎先死後生的手法去轉型。𠵱家TVB大力催谷機頂盒MYTV Super,有人睇唔通佢條路,擔心大量觀眾走去睇機頂盒,定時定候播放的劇集無人睇,咁同步播放嘅廣告豈不是玩完?呢個情況實際已經逐步出現,所以有人覺得大台狂谷機頂盒係自己食自己的行為。

  大台成班聰明腦袋,當然明白呢個壞處,但佢哋同時明白如果被動捱打,雖然可以守住一時,但最後守唔到一世,不如主動出擊,先冒險轉型留住班客喺機頂盒,咁至少可以保住眼球,TVB似乎同收視調查公司講掂數,調查公司將公佈傳統無線廣播加機頂盒的綜合收視率,TVB希望兩個收視率加埋,可以勉強保住市場。

  有反彈無大升格局

  呢個思維背後,係明白電子媒體市場,將來會變成網上爭霸,TVB如果能夠喺網視打出一片天,咁就唔止香港市場,亦可以係其他市場爭一日長短,𠵱家內地氣勢如虹的地區電視台,都係靠網視同植入廣告發圍,大台知道要生存,就要向呢個方向發展。呢個咁大膽嘅轉型方向,當然有拼死一博的冒險成份。

  大台決定玩鋪勁,條路睇嚟係要咁走,但成唔成功,中間仲有好多變數,首先我睇過MYTV Super,唔似可以顛覆市場的產品,只是「止血之作」。其次可以肯定的是短期必需投入大量資源,同時仲可能面對收入流失,呢段時間幾長未知。對大股東嚟講,等如上咗船做船長焗住揸船,但對小股東嚟講,上唔上呢隻船就有得揀啦。

  正因為係咁,所以強人增持獲電管局確認,TVB股價在公佈後都係做番26元,無升跌,𠵱家公司市盈率8.5倍,息率有10厘,如果維持到盈利同派息,咁呢個價就好筍,但市場怕佢未來盈利和派息都可能倒退。結論係在中短期而言,TVB只係有反彈、無大升的股票。

  陸羽仁

 

 

animal666
animal666 2016/06/08 21:48:29 回覆
大戶終結者 ( 等人齊 )
大戶終結者 ( 等人齊 ) 2016/06/08 20:30:02 回覆

將軍,

依家要集中精神, 係喱個浪汁番多少   {#icons_cat7}

子龍 (kaka就是大叔的契哥)
子龍 (kaka就是大叔的契哥) 2016/06/08 18:45:21 回覆

美少女已經嫁人了, 不好再想了...... {#icons_dog5}

幪面馬仔
幪面馬仔 2016/06/08 16:37:22 回覆

大戶兄   出到美少女,無得輸喇 {#iconb_272}

子龍 (kaka就是大叔的契哥)
子龍 (kaka就是大叔的契哥) 2016/06/08 16:05:44 回覆

大戶兄: 噢....

小貓兄: 收0780...咁絕. 唔通連大戶都唔鍾意我..... {#iconb_374}

大戶終結者 ( 等人齊 )
大戶終結者 ( 等人齊 ) 2016/06/08 15:43:47 回覆

將軍想得美少女太多了!    {#iconb_272}

子龍 (kaka就是大叔的契哥)
子龍 (kaka就是大叔的契哥) 2016/06/08 15:24:13 回覆

大戶兄: 但你地有夫妻相, 何解唔約會佳人出來見下, 是否你已經有老婆咁呢??? {#iconb_62}

大戶終結者 ( 等人齊 )
大戶終結者 ( 等人齊 ) 2016/06/08 15:11:20 回覆

將軍,

未見過藍貓呢 

沽貓幅紙袋相就見過   {#icons_cat2}

子龍 (kaka就是大叔的契哥)
子龍 (kaka就是大叔的契哥) 2016/06/08 15:09:31 回覆

馬仔: 騎騎....借用下, 又無傷肝.

小貓兄: 噢...通常咁大成交, 都會有回馬槍, 如今日0.79不破, 咪持有下先. 一手都唔使2千, 無貨都可以買少少擺下. 目標是1.2, 子龍想是一個月內. 騎騎....

幪面馬仔
幪面馬仔 2016/06/08 15:00:46 回覆

將軍    咁....我喺咪要delete咗我個post呀???

子龍 (kaka就是大叔的契哥)
子龍 (kaka就是大叔的契哥) 2016/06/08 14:57:07 回覆

話時話藍貓同大戶兄好有夫妻相, 佢地係咪一對來架??? {#icons_dog1}

幪面馬仔
幪面馬仔 2016/06/08 14:50:01 回覆

20080612_5d0833d1fc1be261afd9NLw34D.gif picture by pandamary 20080612_5d0833d1fc1be261afd9NLw34D.gif picture by pandamary 20080612_5d0833d1fc1be261afd9NLw34D.gif picture by pandamary

大戶終結者 ( 等人齊 )
大戶終結者 ( 等人齊 ) 2016/06/08 14:32:51 回覆

倒升  4958

(今日 20080612_5d0833d1fc1be261afd9NLw34D.gif picture by pandamary 第一)

子龍 (kaka就是大叔的契哥)
子龍 (kaka就是大叔的契哥) 2016/06/08 14:24:21 回覆

buddaau: 老散是識買唔識沽, 大部份時間都是高買低沽..... {#icons_dog5}

子龍 (kaka就是大叔的契哥)
子龍 (kaka就是大叔的契哥) 2016/06/08 14:22:41 回覆

小貓兄: 子龍以為期貨市場才是騙局, 現貨市場仍然有很多高息股創新高呢. 但好股真是寥寥可數而矣. {#icons_dog5}

子龍 (kaka就是大叔的契哥)
子龍 (kaka就是大叔的契哥) 2016/06/08 14:09:31 回覆

buddaau: 噢...狀態唔錯. {#iconb_316}

大戶兄: 問題是裁員成為趨勢, 很多人想返都無得返. 會否走入市場, 以為市場是遊樂場, 很容易盈利, 但當連離職金都賠光后, 才知道市場原來只是人為的賭局, 又會發生很多悲情故事呢?

大戶終結者 ( 等人齊 )
大戶終結者 ( 等人齊 ) 2016/06/08 12:55:22 回覆

將軍,

投機/資股市贏錢都係難呢!   {#icons_cat5}

如果咁易贏錢, 搵鬼打工, 搵鬼開公司, 冇公司上市, 點投機/資股票   {#icons_dog1}

子龍 (kaka就是大叔的契哥)
子龍 (kaka就是大叔的契哥) 2016/06/08 12:11:29 回覆

噢...又舉下例子, 強如谷歌, 11元買狗狗易, 5元以下一樣清倉. 証明投資比投機更加困難呢. {#icons_dog1}

user

最新回應

幪面馬仔
幪面馬仔 2021/03/08

門門

話時話星期一可能會升,我希望佢跌,俾你走貨。。。

好手痕,想沽期,但現真冇胆及時間。老了老了。

認同你說法,完美圖形如你說,但我有時覺得相差不遠亦不用太執著,但是否過頸線是確認圖形的關鍵。但大户亦用資金說明了,他們真金白銀買下去。

明天八婆可能會升,但我仍然覺得他要跌。

門徒
門徒 2021/03/07

馬爺小門唔認同八婆嗰係頭肩頂,右肩不應高過左肩 {#iconb_62}

子龍 (kaka就是大叔的契哥)

大戶契哥: 祖移動已歸類為收息股. 即是增長前景有限, 但派息穩定的標的. 問題是大市現在約三萬點, 如大市受制資金出逃而下跌, 收息股也會跌. 這是大盤風險呢.

很多時投資重點不在標的本身, 反而重點在投資者的素質. 是固執的投資者, 還是猶豫的投資者主導呢.

{#iconb_62}