丹尼爾流浪看世界

2016/06/08 18:08:54 網誌分類: 人物素描
08 Jun

兩年前決定踏上 working holiday 旅程嘅丹尼爾(Daniel),諗返呢個決定,完全沒有後悔:「我好慶幸自己喺廿幾歲,已經做咗一件夠我呢一世都回味嘅事!」

「有一日喺網上面見到有幾位前輩由香港踩單車去法國巴黎,我就諗:『咦?好似work喎!』」

有咗呢個想法,佢冇猶豫,毅然辭去平穩工作,袋住3萬港元,踩住佢嘅旅伴「忍者龜」單車,一步一步開始佢嘅人生之旅。

從香港出發,經過雲南、西藏、尼泊爾、印度、巴基斯坦、伊朗、土耳其,再到匈牙利、德國等歐洲國家,佢最終成功到達英國曼徹斯特。前後277日,一共踩咗1萬9千公里。

旅途上,佢遇到好多難忘嘅人和事,亦有唔少突如其來嘅意外,甚至同死亡之間曾經只差3公里,可算是死過反生。

「唔好畀自己有藉口,或者有時間考慮咁多,因為當你考慮得多,顧慮就多,最後九成都做唔到。」

Daniel 曾經係一個好容易半途而廢嘅人,但今次佢將呢個看似不可能嘅任務完成。堅持夢想,原來心願係為咗想幫愛隊曼聯打工,感受一下working holiday。

要去 working holiday, 條件是30 歲前,就要勇敢拋個身出去一次!

「一般人讀書、學樂器、搵份好工、做返三四十年先退休,到時想睇吓呢個世界係點,都可能已經冇力。我好慶幸自己喺廿幾歲嘅時候,冇乜大嘅負擔,可以做一件自己喜歡,夠我呢一世都回味嘅事。」

「Only those who risk going too far ,can possibly find out how far one can go.」

Daniel 就係憑住呢個座右銘,完成咗自己嘅理想,仲越走越遠,現在正準備踏上另一次嘅長征旅途。而您,又等緊啲咩?

回應 (0)
我要發表
user