手撕沙薑雞

端陽節，香港人差點冇新鮮雞食！對我來說，有冇新鮮雞都冇所謂，依家久不久鮮雞都出問題，我相信不久的將來都係要食冰鮮雞。

除左買雞腳或者雞翼，我甚少會買新鮮雞食。如果用全隻雞，我多數會用無激素飼養嘅法國BB雞，或者買細隻嘅冰鮮雞。計我話：如果買倒質素好嘅冰鮮雞，煮出嚟、食味未必輸俾新鮮雞。

尋日就響「祥興」買左隻「唐順興冰鮮雞」，$32一小隻。解凍後必需將雞腔內的肺部取出(否則煮極都唔熟)及將近屁股的雞油取走，跟住落薑汁、紹酒、沙薑粉及約一湯匙海鹽裡外塗勻醃最少兩小時；蒸前在雞腔內塞入蔥，中火蒸廿分鐘，熄火焗十分鐘。

如果想慳工夫，待稍涼斬件上碟即可。

如做手撕雞，攤至稍涼，帶上膠手套將雞肉撕開上碟。食時將少許蒸汁拌上沙薑粉及麻油，淋上雞肉面。(往時我買農家雞，肉質較稔;但那凍肉鋪已结業，今次呢隻優鲜雞，口感較隹，拍得住新鮮雞)。

我份人好慳家架，拆左嘅雞骨加舊薑同水煲成雞湯，灼白菜食：