日本人氣沾麵 大勝軒 丸一 登陸太古城 除沾麵外另外拉麵 飯類,餃子小吃等 湯底由日本直送 原汁原味
岩岩返香港就收到消息,係太古城新開一間拉麵店
原來係沾麵界人氣店大勝軒 丸一
6月10號正式營業
時間由11AM至11PM
沾麵由$62起
另有接近十款既唔同口味湯底,選擇多之餘,質素有保証
湯底由日本工場直送,湯底味道適中,不會過咸,食完麵條加湯可以飲埋碗湯底
麵條相當之彈牙
6點10分到達門外,大約40人等侯,但原來只係開始,到我食完出門口7點半已經接近100人
直接排隊,大約等侯40分鐘,如果30幾度夏天真係救晒命,好彩出門之前一陣大雨降了溫,無咁辛苦
排隊期間佢地都有派水比大家飲
差唔多入去之前就派餐牌比大家參考
我就推介佢既原味沾麵同埋叉燒拉麵
係呢個價錢,呢個質素份量,真係完勝其他拉麵店
62蚊就有沾麵食,而且水準遠勝於本地其他的店
唔鐘意食沾麵既你,佢既叉燒拉麵有超多片叉燒,肉迷一定唔會失望
終於以後唔需要再捱貴價唔好食既拉麵啦!!
82蚊連加一都只係90.2!!
剛從日本回來的我覺得呢個價錢質素完全合理!!
仲有小食,飯類
重點一定係佢既拖羅叉燒,成大件接近1CM厚既肥肉,滷得軟嫩入口
真係大推薦
餃子都煎得幾香脆,係上菜慢左一些
入場前6點55分鐘,人龍已達百人
遠處已見到紅燈大招牌,好易搵
同埋見到條人龍就知係呢度
門外招牌
進場
自選組合
選你想要既口味湯底
麵條可以選冷或暖,但佢建議食凍~
識食一定叫多蔥,香氣十足
增量250克或者200克都係同一價錢
另外就係飲品,飯類同小食
仲可以追加配料,加叉燒,紫菜或者玉子等等
今日佢地既玉子極速完賣,唯有下一次再試啦!
我就坐係前面睇住D師傅整
由於麵條都係即點即制,大約需要等15分鐘左右
冰水免費任飲,排完隊成身汗又熱,飲返2杯等住食麵
如果要可樂或者其他飲品就要加$12至$18起,佢仲有啤酒賣
坐係廚房前睇住師傅煮都係一種唔錯既選擇
位置不大,所以食完都盡快走人,唔好要其他人等咁耐
無手袋勾,唯有放地下
標榜日本直送湯底有保証
有醬油辣油等等可供使用
大約廿分鐘就有得食
首先要彈就係湯唔夠熱
食左3份1麵條就連湯都變凍左
反映左之後佢話可以幫我加熱
咁都算唔錯既解決方法
我點既係250克大勝軒沾麵 湯底多蔥
湯中有幾條叉燒,都非常嫩滑
麵條係煮好用冰水過冷河,製作需時,呢個明白
麵條非常彈牙,略嫌無乜麵粉香
湯底濃郁但不會太過咸,麵條沾汁就剛剛好
250克麵份量相當充足,唔需要加配小食都夠食
有進步空間,上菜時間可以快一些,多些留意食客
例如冰水無晒無人加,可能太忙亂無空閒去留意
$62 就食到高質素沾麵,同價位既其他拉麵店睇怕大有壓力
食完時間740PM左右
門外已集結多於100人...@@
門外廣告牌同餐牌~
走時已經多到人咁樣了~
大勝軒
太古城星輝台金星閣G1018號鋪
電話
25623200
營業時間 11am-11pm
消費 金額 約$70-100
MAP
https://goo.gl/maps/zedR3kJ2StA2
可先打個電話去問下多唔多先!
日本旅遊情報
東京攻略
關西京都大阪奈良美食旅遊情報
九州熊本福岡由布院長崎
美食旅遊情報
沖繩美食旅遊情報
日本全國紅葉攻略情報
日本旅遊pass情報
台灣美食旅遊情報
台東美食遊記情報
韓國美食旅遊情報
大澳美食旅遊情報
長洲美食旅遊情報
澳門美食旅遊情報
太平山頂遊記
其他美食旅遊情報
買旅遊產品千萬不要去東X遊買！
買左無貨訂唔到比唔退錢!態度惡劣又自大！
(例如JR PASS及預訂酒店機票套票)
請各編輯尊重,勿亂修改文章的內容！
提提你出發之前記得買旅遊保險啦！
用呢條link買旅遊保險可以有8折優惠: https://goo.gl/m117b9
買左保險，有咩行程影響都有保障安心！
如你喜歡,請給個LIKE^^以後提供更多資訊給你
其他遊記
如有聯絡查詢
KASANG0728@GMAIL.COM
: : : : : : : : : : : : : : : : : : : : : : : : : : : : : : : : :