薑蔥焗魚咀

何解唔係「焗魚云」，而係「焗魚咀」？呢啲咪係錢嘅問題囉！

「魚云」係大魚頭，依家動軌要四十幾至七十蚊一個；「魚咀」係鯇魚頭，便宜好多----$10一個，買兩個才廿蚊，叫魚販一開四，就有八件。當然，一分錢分貨，分別便是鯇魚頭冇左舊魚云食。不過，我知有啲人係唔喜歡食魚云嘅，咁就真係咸魚青菜，各有所愛，一於自己選擇啦！

材料：

鯇魚頭兩個，一開四

薑八片

蔥段六條

乾蔥頭一粒抇扁

薑汁1湯匙

醃魚料：

紹酒1湯匙

蛋1/2隻

鹽 1/2茶匙

蠔油2茶匙

胡椒粉

一. 魚咀洗淨抹乾，下醃料用手拌勻，醃最少15分鐘。

二. 加入兩湯匙生粉入魚咀拌勻，以半煎炸方式煎至九成熟盛起。

三. 燒油爆薑、蔥白及乾蔥至香；加入魚咀，灒酒，加入蔥段及薑汁，蓋上焗一至兩分鐘。

註：

一. 如用大魚頭，最好是炸熟，否則較難熟透。

二. 相中所見有西芹，是我之前食剩左，為免浪費所以加左落去，有冇都冇問題。