火從那裡來?

2016/06/22 11:39:35 網誌分類: 時事
22 Jun

不知那裡來的火,昨天牛頭角時昌迷你倉的四級長命火至今尚未撲熄,造成一死四傷意外,最令人惋惜當然是那位剛為人父的高級消防隊長殉職。希望有關當局一方面要積極調查火警起因,另一方面盡快為孤兒寡婦解困!

多年前我亦曾租用迷你倉幾年,目的是將轉季衣服存放,增加屋企空間。但每次要送衣(或取衣)都幾吃力;其後我阿媽入住老人院,我便再冇需要租用迷你倉。

那時我便有個想法:會唔會有人用迷你倉存放仙人骨灰呢?

唔好認要我異想天開。諗吓吖?有一段時間人真係死無葬身之地架!

當時我工作的地方同呢樣嘢有關,老板同我講:依家瞓響度死容易,化灰死難!因為政府要增加骨灰盦場地都會俾當地居民反對!慶幸最近有消息指,政府申請幾處骨灰場終於獲得通過。

當然,如果需要骨灰位,一是申請唔倒、一是批嘅葬地響「舞雷公」咁遠....想近?咁咪幫趁私人承辦果啲囉----一係貴到負擔唔起、一係非法嘅、....咁有咩嘢好得過租用迷你倉呢?幾百蚊一個月....廿四小時冷氣設備,鍾意幾時去就幾時去,唔驚會封路......

迷你倉:好似Seven Eleven咁,梗有一間響左近!

如果真係有人與我英雌所見略同,又真係付諸實行的話,咁就自不然要拜祭、咁就自不然要點香燭、咁就自不然....

未租用過迷你倉的朋友可能會問:冇人監管架咩?合法咩?

我的經驗是:除辦公時間外,真係冇人架!租戶係拍咭自出自入嘅!即使係辦公時間,都唔一定有人,你去多幾次就捉倒路架啦!

至於合唔合法,有咩嘢所謂呢?香港大把人犯緊法啦,真係有人告兼告得入嘅有幾個?再者,一樣嘢多人做就可以聲大夾惡,可以將啲非法嘅嘢變成合法化!

不過,呢啲係我憑空想象嘅啫!無論如何,希望有關部門盡快查證,香港迷你倉唔少,市民大眾當然唔希望同樣事件發生啦!

 

回應 (2)
我要發表
2016/06/22 16:18:46 回覆

383383:藏火藥就難啲。不過,如果響街執倒大把錢--即時唔用得,存響銀行更加唔得....收埋響迷你倉可能得喎!

383383
383383 2016/06/22 12:27:31 回覆

我的經驗是:除辦公時間外,真係冇人架!租戶係拍咭自出自入嘅!即使係辦公時間,都唔一定有人,你去多幾次就捉倒路架啦!

===

會不會有人用來藏火藥,危險品,甚至毒品?

user