「脫歐」與「港獨」

一場「脫歐」風暴，上周五環球股市應聲而倒，香港股市最高峰時跌逾千點，收市跌六百幾點；「脫歐」之事市民消化左好耐(雖然大家之前都認為「脫歐」機會不大)，今次決定是跌市的開端、抑或是尾聲呢？

每逢股市風暴，一定是有人快樂有人愁----未入市嘅咪趁低入市囉(執倒筍嘢喎，梗係開心啦)、入左市走唔切咪愁囉(仲唔知會跌幾多喎)，手上有大量英磅嘅咪愁囉(一日跌左十幾個巴先，都咪話唔傷)、有子女赴英留學嘅咪開心囉(速速走去換英磅)....總之果日之後香港市民，除非啲錢冇用嚟投資，淨係做定期，否則都係忐忑不安！

香港五大富豪身家即時縮左五百億，普羅香港市民或多或少都有損失！  

報導：

英國公投決定脫離歐盟雖然塵埃落定，但爭議未息，一些投了脫歐票的選民見到脫歐的經濟衝擊深感後悔，聲稱他們只想投「抗議票」。約二百萬人在國會下議院網站聯署請願，要求就是否脫歐舉行第二次公投，請願人數遠超出請願案送交下議院討論的規定人數。聯署者提出的理由是「脫歐」和「留歐」雙方得票太接近，加上投票率不足百分之七十五。

下議院一名女發言人周五表示，由於同一時間有太多人登入網站聯署，一度令網站不勝負荷而癱瘓，要緊急修復。下議院指這是歷來最多人的聯署請願。聯署請願書的內文是：「我們聯署人籲請政府執行一項規定，即歐盟去留公投的投票率若在百分之七十五以下，同時支持脫歐或留歐的票數不及百分之六十，應再次舉行公投。」根據英國國會規定，若有議題獲十萬人聯署，國會下議院便要就議題展開辯論，政府亦須作出回應。周四舉行的脫歐公投的投票率為百分之七十二點二，百分之五十一點九的選票贊成脫歐，留歐的得票率為百分之四十八點一。

截至香港時間今日凌晨，已有約二百萬人聯署請願。負責審議請願是否應在下議院提案的國會請願委員會，將在本月二十八日開會。

政府目前沒有計畫舉行第二次公投，但專家認為只要投票支持脫歐的人開始感到後悔，舉行另一次公投並非不可能。事實上，已有多名投了脫歐票的選民後悔。選舉工作人員據報在周五公布公投結果後，有人致電是否可以改變主意，有人公開承認只是投「抗議票」表達對現狀的不滿。但人們對公投決定脫歐後英鎊暴跌及市場下挫感到焦慮，一些人表示被主張脫歐的英國獨立黨黨魁法拉奇的言論瞞騙，指一幅脫歐海報承諾將把給予歐盟的數以百萬計英鎊轉為投入國民保健服務（NHS），是誤導選民。

一名叫曼迪的女學生指，周五早上一覺醒來，便面對嚇人時刻，令她明白到已投了脫歐一票，但事實上她想留歐。她指出，脫歐的現實後果深深打擊她，如果有第二次機會，一定會投留歐一票。她在曼徹斯特機場接受獨立電視台訪問時表示，她之所以投脫歐，是不堪受到正反兩派陣營所施加的壓力。但在twitter上，有網民批評她投票前沒有三思。

投票支持脫歐的三十歲會計師斯蒂凡斯指，他和妻子投脫歐票，是因為想建制派注意他們的訴求，而且他們從來沒想過脫歐派會勝出，因此他們之後覺得有罪惡感。公投結果令首相卡梅倫下台及金融市場波動後，一些投票脫歐的選民深感不安。一名叫亞當的選民說，他對於公投結果深感震驚，他原以為他的一票對大局沒有影響，因為他以為留歐陣營會勝出。一些支持留歐的人對這些感到後悔的脫歐投票者表示憤怒。過興兵，新聞報導受訪嘅年輕選民後悔支持「脫歐」喎！哈哈，年輕人真係以為玩緊遊戲，隨時喜歡轉軑就轉軑呀？呢樣嘢咪體現左「普選」係唔掂咕囉！

不過，見倒報導話可能詢眾要求重新投票喎！哼，咁投完又後悔，又投過囉喎！咁樣投票法仲有咩嘢意義？

英國佬惡左咁耐，依家知死咯！佢自顧不暇，睇佢仲得唔得攪其他國家？

---------------------------------------------------

呢啲咪係「民主」引起嘅禍囉！動不動「公投」，一人一票決定。結果又如何？唔係每一個人投票時都係咁清醒！有啲人抱住玩玩吓嘅心態----你班「老野」想留歐，我偏偏要扒逆水；大人認為啱嘅、佢地都唔聽，一於不聽老人言。

依定決定左，佢地知死啦，又想投多次！毒品宣傳片都有話啦：「不可一、不可再呀」傻仔！

睇見佢地就令我諗起香港啲年輕人：做事唔顧後果、決定前冇長遠分析、做完後悔莫及！

又睇吓垃圾會新界東呢廿載嘅選舉結果吖！果區年輕人多，才會選倒「條毛」入垃圾會。年輕人喜歡睇馬騮戲，但係就搵全港市民嚟陪葬！我地都唔知仲要捱幾耐：「條毛」、「小丑基」、「瞓街卿」、「過橋」....呢班議棍才可以離開我地視線！

有一啲決定影響深遠，好似「港獨」咁！你睇吓英國脫離「歐盟」後會點吖？英國衰衰地都叫做係一個國家吖，香港想獨立？有咩嘢條件？唔好異想天開啦！到時出國冇人承認你嘅旅遊證件(咁咪唔好出國、唔好留學囉)。香港除左服務/金融行業外，可以講係「百冇」，食品大部份都係從內地及東南亞入口，「阿爺」(不過，到時同你非親非故)唔輸出食品，香港人一個二個要轉職做農夫：自給自足啦！嘩，到時啲農地值錢咯；咁港人會唔會將住宅用地改為農地呢？唔想耕田，試吓食草、食樹皮囉！

到時會唔會實行徵兵制(唔行唔得喎！到時邊個同你保家衛國)，所有年滿廿一歲嘅男丁都要入伍三年呢？都係唔好！應該改為十八歲入伍，否則果隻「痴蜂」又會花納稅人嘅錢司法覆核架啦！一於益埋佢啦。不過，到時可能佢會動議「公投」將香港送俾佢契爺，等佢可以再賺一筆！但係屆時香港唔再係「金蛋」，極其量是一隻「壞旦」，佢契爺要來何用？契爺淨係叫佢攪亂香港之馬。