香港傻佬何其多!

2016/06/27 10:04:24 網誌分類: 時事
27 Jun

前「香港人優先」成員招顯聰尋日下晝宣布成立「香港歸英獨立聯盟」(英獨聯),主張香港「法理歸英(即係歸西啦),制憲獨立」,佢透露已設計自稱為「香港共和國」旗幟,原定尋日即場揮動,但因未有攜帶所以作罷,佢揚言會喺七一公開揮動「香港共和國」旗幟,一旦進身議會「擺到明發假誓」,即於宣誓就任時讀出「香港獨立宣言」(講嘢果個明顯唔係正常人啦:雖然依家嘅香港,犯法冇問題;勒索都冇事咯,發假誓大不了咪「告誡」了事!)挑戰政府原則底線。(香港政府有底線嘅咩?)

招顯聰報稱喺七一揮動「香港共和國」旗幟,以及事先張揚「發假誓」,擺明挑戰政府原則底線,考驗政府如何應對(駛咩嘢應對啫!香港言論自由架馬,講都唔得咩?就算真係做左,佢地響司法界大把friend,真係好似張衛健呢隻孫悟空話齋:犯法之馬,直頭唔駛怕),究竟主張港獨人士會否於報名之時,未有簽署聲明「擁護《基本法》和保證效忠香港特別行政區」,早已引起關注,甚至未獲開綠燈「過關」;若然有人真的「發假誓」,又會唔會有手尾跟,凡此種種均值得拭目以待!(唓!你睇吓收左「黑金」果啲「議棍」至今都係袋袋平安,就知道冇問題啦!)

 

 

而於英獨聯成立後不久,「香港歸英運動」於社交網站發聲明與其劃清界線,稱兩者冇任何關連,強調佢哋係一個義務組織,旨在推動香港及英國具建設性嘅關係。

 

招顯聰挑機政府,揚言進身議會「發假誓」。(陳亦瀅攝)
如果佢響英國「脫歐」前講呢啲嘢,都無話可說。但係佢依家仲講?佢擺明有病啦!

「脫歐」雖然塵埃落定,但不是問題的結束,而恰恰是問題的開始。本來就同英格蘭鬧分家的蘇格蘭趁勢提出第二次獨立公投;北愛爾蘭要求離開英國,與愛爾蘭合併;與歐洲關係密切的倫敦,也提出脫離英國的訴求。

 

 

哈哈!呢個傻佬究竟想歸「英格蘭」、「蘇格蘭」定係「愛爾蘭」管呢?如果佢最终目的祇係要「歸西」嘅,咁就請便啦!祝佢一路好走。

回應 (2)
我要發表
2016/06/27 13:16:06 回覆

{#iconb_215} {#iconb_272}

383383
383383 2016/06/27 10:50:57 回覆

{#iconb_268}

user