P牌傷風咳丸

秘 書 V 患 上 傷 風 咳 ， 好 耐 都 未 好 ， 睇 西 醫 食 藥 之 後 話 頭 暈 ， 睇 中 醫 食 中 藥 話 藥 性 慢 ， 日 頭 咳 幾 聲 ， 晚 上 睡 覺 就 咳 唔 停 ， 冇 法 子 入 睡 ， 於 是 返 工 覺 得 好 辛 苦 。
新 年 前 食 飯 遇 上 醫 生 C ， 醫 生 C 話 最 近 「 生 意 」 好 到 不 得 了 ， 睇 唔 停 手 ， 絕 大 部 份 都 係 因 為 天 氣 轉 變 ， 患 上 傷 風 咳 。 醫 生 C 自 嘲 話 ： 「 我 只 係 一 個 傷 風 咳 醫 生 ， 其 他 病 症 唔 多 識 ！ 」 如 果 係 傷 風 咳 真 正 專 家 ， 病 人 多 到 要 在 門 口 排 隊 啦 ， 從 收 錢 角 度 觀 之 ， 好 正 。
問 醫 生 C 治 療 傷 風 咳 有 何 秘 方 ， 醫 生 C 話 ： 「 我 算 係 中 西 結 合 ， 因 我 讀 完 中 醫 課 程 ， 文 憑 ， 又 針 灸 文 憑 ， 所 以 為 病 人 睇 病 時 ， 我 會 留 意 佢 體 質 血 氣 ， 配 西 藥 時 唔 好 畀 一 太 強 勁 藥 丸 ， 以 免 佢 食 之 後 ， 更 唔 舒 服 。 據 我 積 累 經 驗 心 得 ， 香 港 男 士 女 士 體 質 偏 弱 ， 不 能 吃 勁 藥 ， 要 吃 溫 和 性 藥 丸 ， 慢 慢 先 會 復 元 。 」 聽 佢 之 言 ， 醒 起 秘 書 V 曾 在 藥 房 買 入 一 隻 P 牌 傷 風 咳 丸 ， 以 為 可 以 收 清 鼻 水 ， 可 以 覺 ， 誰 知 第 二 朝 更 弊 ， 喉 嚨 涸 之 餘 ， 鼻 水 又 返 番 ， 此 是 何 故 ？
醫 生 C 話 ： 「 P 牌 藥 丸 本 是 溫 和 、 百 搭 藥 丸 ， 但 係 隻 傷 風 咳 丸 太 勁 ， 就 令 唔 少 香 港 人 受 不 了 ， 自 問 體 質 不 佳 者 ， 吞 呢 款 藥 丸 前 最 好 問 過 醫 生 。 我 就 比 較 少 叫 病 人 食 呢 隻 藥 。 」 如 此 複 雜 ， 都 係 費 事 在 藥 房 買 非 配 方 藥 物 咯 ， 一 於 小 小 病 都 去 睇 醫 生 。
新 年 賽 馬 ， 在 馬 場 碰 到 肥 B ， 佢 見 左 丁 山 食 下 午 茶 餐 ， 係 咁 食 小 型 菠 蘿 油 ， 猛 叫 左 丁 山 唔 好 食 。 佢 自 己 曾 經 中 風 ， 去 深 圳 接 受 電 療 ， 居 然 奇 蹟 地 好 番 ， 好 似 冇 發 生 過 。 但 肥 B 現 在 對 飲 食 好 小 心 ， 見 肥 就 走 。 左 丁 山 從 來 冇 戒 口 （ 蝦 蟹 除 外 ） ， 肥 B 期 期 以 為 不 可 ， 介 紹 左 丁 山 朝 朝 出 門 前 飲 「 五 青 汁 」 ， 即 係 青 蘋 果 、 青 瓜 、 苦 瓜 、 青 椒 與 西 芹 五 種 瓜 果 榨 汁 ， 每 早 一 杯 ， 肥 B 話 佢 現 在 血 壓 正 常 ， 血 糖 正 常 ， 五 青 汁 功 不 可 沒 。 有 咁 神 奇 ？ 睇 落 好 似 甚 為 寒 涼 ， 等 第 日 放 長 假 之 時 ， 試 飲 幾 日 ， 睇 會 唔 會 有 副 作 用 先 。